کوئٹہ: آرمی میڈیا ونگ (آئی ایس پی آر) نے اتوار کے روز کہا کہ پاکستان میں سیکیورٹی فورسز بلوچستان میں دہشت گردی کی کوششوں کو ناکام بنانے کے لیے پرعزم ہیں۔
یہ بیان اس وقت سامنے آیا جب سیکیورٹی فورسز نے بلوچستان کے علاقے پاروم کے قریب آپریشن میں بلوچستان لبریشن فرنٹ (بی ایل ایف) کے چھ عسکریت پسندوں کو گولی مار کر ہلاک کردیا۔
آئی ایس پی آر نے ایک بیان میں کہا کہ شدت پسند اتوار کو ایک آپریشن کے دوران مارے گئے۔
سیکیورٹی فورسز نے زرمان رینج میں دہشت گردوں کی موجودگی کی اطلاع پر آپریشن شروع کیا۔
فائرنگ کے تبادلے میں بی ایل ایف سے تعلق رکھنے والے چھ دہشت گرد مارے گئے۔ آئی ایس پی آر نے کہا کہ یہ دہشت گرد سیکیورٹی فورسز کی چوکیوں پر حملوں کے علاوہ پنجگور کے علاقے پروم اور اس کے گردونواح میں سیکیورٹی فورسز کے قافلوں پر آئی ای ڈی نصب کرنے میں ملوث تھے۔
آپریشن کے دوران اسلحہ اور گولہ بارود بھی برآمد ہوا جسے دہشت گرد علاقے میں امن کی صورتحال خراب کرنے کے لیے استعمال کرنا چاہتے تھے۔
قبل ازیں میڈیا ونگ کا کہنا تھا کہ فوج ملک سے دہشت گردی کی لعنت کے خاتمے کے لیے پرعزم ہے۔
آئی ایس پی آر نے شمالی وزیرستان کے علاقے دتہ خیل میں دہشت گردوں کے ساتھ فائرنگ کے تبادلے کے دوران ایک فوجی کی شہادت کے حوالے سے بیان جاری کیا۔