فارسٹ واچ آرٹیفیشل ا نٹیلیجنس کے استعمال سے موسم کی پیشن گوئی کرے گا

آرٹی فیشل انٹیلی جنس �آجکل کمپیوٹرز یوزرز کے لیے سب سے مفید ٹول بن گیا ہے جس کی مدد سے وہ اچھے برے ہر طرح کے کام کررہے ہیں مگر اب اس کی مدد سے موسم کی درست پیشگوئی کرنا بھی ممکن ہو جائے گا۔
مائیکرو سافٹ نے ایسی اے آئی ٹیکنالوجی تیار کی ہے جو آئندہ 30 دنوں کے لئے موسم کی پیشگوئی کرسکے گی۔ موسمیاتی پیشگوئی کے لئے نئے ٹیکنالوجی ٹولز تیار کئے گئے ہیں جن کے آزمائشی نتائج اب تک کافی حد تک ایکیوریٹ ہیں ۔ان ٹولز پر موسمیاتی پیشگوئیوں پر کام کرنے والے ایک ادارے فارسٹ واچ کی جانب سے ایک تحقیق کی گئی۔تحقیق میں بتایا گیا کہ مائیکرو سافٹ کی موسمیاتی ٹیکنالوجی نے عالمی سطح پر موسموں کی سب سے زیادہ درست پیشگوئی کی۔مائیکرو سافٹ نے اپنے بیان میں بتایا کہ موجودہ عہد میں شدید موسم سے لوگوں اور اراضی پر منفی اثرات مرتب ہو رہے ہیں اس لیے آج کے دور میں اس ضرورت اور بھی بڑھ گئی ہے ۔کمپنی کی جانب سے اس نئی اے آئی ٹیکنالوجی کو ونڈوز 10 اور ونڈوز 11 پر کام کرنے والے کمپیوٹرز پر متعارف کرانے کی منصوبہ بندی کی جا رہی ہے۔اسی طرح یہ موسمیاتی ٹولز مائیکرو سافٹ اسٹارٹ نیوز ایپ میں بھی دستیاب ہوں گے۔اس سے قبل بھی مائیکرو سافٹ نے مختلف اے آئی ٹولز کو تیار کرنے کا اعلان کیا تھا۔ایک ٹول یونیورسل لینگوئج ٹرانسلیٹر ہے جسے دنیا کی کسی بھی زبان کے ترجمے کے لئے استعمال کیا جا سکے گامگر موسم کی پیشگوئی کرنے والا ٹول روزمرہ کے زندگی میں بھی لوگوں کے لئے کارآمد ثابت ہوگا۔