تحریک عدم اعتماد کے ذریعے مقامی رہنماؤں کے گٹھ جوڑ کے ساتھ پاکستان میں پی ٹی آئی کی حکومت کو تبدیل کرنے کی مبینہ “غیر ملکی سازش” پر رد عمل ظاہر کرتے ہوئے، سابق وزیر خارجہ شاہ محمود قریشی نے منگل کو کہا کہ اسلام آباد، قومی سلامتی کمیٹی کی ہدایت پر “دھمکی آمیز خط” پر امریکی سفیر سے اپنے تحفظات کا اظہار کیا -آرمی چیف نے بھی 2 اپریل کو ایک غیر ملکی صحافی کے سوال پر امریکہ کی دوغلی پالیسی پر کھل کر بات کی تھی ۔
شاہ محمود قریشی نے کہا کہ این ایس سی اجلاس نے “غیر ملکی مداخلت” کو نامناسب قرار دیا اور ملک کو ڈیمارچ جاری کرنے کی ہدایت کی۔ انہوں نے کہا کہ پاکستان نے “غیر ملکی سازش” پر اپنے سفیر کے ذریعے واشنگٹن میں اپنا احتجاج بھی درج کروایا ہے ۔انہوں نے کہا کہ پاکستان ایک آزاد اور خودمختار ملک ہے اور کسی ملک کو ہمارے اندرونی معاملات میں مداخلت نہیں کرنی چاہیے۔
سابق وزیر خارجہ نے کہا کہ پاکستانی قوم ملک میں کسی قسم کی بیرونی مداخلت نہیں چاہتی۔ انہوں نے کہا کہ ہمارے فیصلے ہمارے آئین، قانون اور عوامی امنگوں کے مطابق ہونے چاہئیں۔ایک سوال کے جواب میں شاہ محمود قریشی نے کہا کہ ترکی پاکستان کا آزمودہ دوست ہے اور اس نے ہمیشہ مشکل وقت میں اسلام آباد کا ساتھ دیا۔
“آئین کی خلاف ورزی” کے لئے پی ٹی آئی کی حکومت کے خلاف احتجاج پر اپوزیشن کو تنقید کا نشانہ بناتے ہوئے، انہوں نے پوچھا کہ کیا آئین ہارس ٹریڈنگ کی اجازت دیتا ہے؟انہوں نے مزید کہا کہ بھارت پاکستان میں نئی دہلی نواز حکومت چاہتا ہے۔ قریشی نے کہا کہ انہوں نے بھارت کو بتایا ہے کہ اسلام آباد بھارت کے ساتھ دوستانہ تعلقات چاہتا ہے لیکن وہ کشمیر پر کوئی سمجھوتہ نہیں کریں گے۔
