یمن میں جنگ کی وجہ سے خوراک کی کس قدر قلت پیدا ہوگئی ہے اس کا اندازہ اس خبر سے لگایا جا سکتا ہے کہ راشن کے لیے آئے افراد �میں بھگدڑ مچ جانے سے بے انتہا لوگ مارے گئے-یمن کےدارالحکومت صنعا ء میں امداد تقسیم کرنے کے موقع پر بھگڈر میں 85 افراد جاں بحق ہوگئے۔صنعاء کے ایک سکول میں عیدالفطر کی آمد سے قبل مستحقین میں امداد تقسیم کی جارہی تھی کہ اچانک بھگدڑ مچ گئی۔ افسوسناک حادثے میں سیکڑوں افراد کچل کر زخمی بھی ہوئے۔
یمن: امداد کی تقسیم کے دوران بھگدڑ سے 85 افراد جاں بحق
براہ راست دیکھیں https://t.co/pc9PgFp7LJ#BOLNews #Yeman pic.twitter.com/CieeDYhWbW— BOL Network (@BOLNETWORK) April 20, 2023
غیرملکی میڈیا کے مطابق یمن کے حکام کا کہنا ہے کہ حادثے میں تین سو 22 افراد زخمی ہوئے۔ جاں بحق اور زخمی ہونے والوں میں خواتین اور بچے بھی شامل ہیں۔ زخمیوں میں متعدد کی حالت تشویشناک ہے ۔حادثے کی جگہ پر امدادی کارروائیاں جاری ہیں۔ جاں بحق افراد کی تعداد میں اضافے کا خدشہ ہے۔
