فروری کے مہینے میں 52 روپے پٹرول کی قیمت بڑھنے پر پاکستانیوں کا جینا دوبھر ہوگیا ہے اور اب اس پر ردعمل آنا شروع ہوگیا ہے -کل رات پٹرول کی قیمت 22 روپے مزید بڑھی تو سکھر میں مہنگائی سے پریشان شہری سڑکوں پر نکل آئے، حکومت سے قیمتیں کم کرنے کا مطالبہ کر دیا۔
مظاہرین کا کہنا تھا کہ اشیائے خورونوش کی قیمتیں پہلے ہی قوت خرید سے باہر ہیں، پٹرول مہنگا ہونے سے اشیا کی قیمتیں مزید بڑھ جائیں گی۔ حکومت کی ناقص پالیسیوں سے پہلے ہی غریب خود کشیوں پر مجبور ہیں۔
پاکستان تحریک انصاف ضلع سکھر#پیدل_مارچ_سکھر_تا_کراچی
سندھ یوناٸیڈ پارٹی#سید_زین_شاہ_صاحب
کی طرف سے پاکستان پیپلز پارٹی کی سندھ میں ناقص حکومتی و انتظامی امور، مہنگاٸی، بدامنی کے خلاف احتجاج میں شرکت pic.twitter.com/ebJboBFAjB— Adv Zaheer Baber PTI Sukkur (@AdvZaheerBabar) February 15, 2023
حکومت کی جانب سے پٹرولیم مصنوعات کی قیمتوں میں بھاری اضافہ کردیا گیا ہے۔ پٹرول کی قیمت میں 22 روپے 20 پیسے فی لٹر اضافہ کیا گیا ہے جس کے بعد ایک لٹر پٹرول کی نئی قیمت 272 روپے ہوگئی ہے۔ ہائی سپیڈ ڈیزل 17 روپے 20 پیسے بڑھا کر 280 روپے فی لٹر کردیا گیا ہے۔ پٹرول کی قیمت بڑھنے سے اشیائے خورونوش سمیت تمام اشیا کی قیمتیں بڑھ جاتی ہیں۔بظاہر یہی لگتا ہے کہ یہ مشکل فیصلے اب حکومت کے لیے سنگین مشکلات پیدا کردیں گے اور نون لیگ اور شہباز شریف کے لیےمزید حکومت کرنا ان کے سیاسی کیریر کو تیزی سے نقصان پہنچائے گا –
