آج چیف جسٹس پاکستان عمر عطا بندیال نے عدالت میں اپنا آخری روز گزارا اور 9 مقدمات سنے -انھوں نے چند روز قبل عندیہ دیا تھا کہ وہ نیب ترمیمی بل کا فیصلہ کرکے سپریم کورٹ سے رخصت ہوں گے آج انھوں نے اپنا وعدہ پورا کردیا اور سابقہ حکومتوں کے لیے بہت سے مشکلات پیدا کردیں -سپریم کورٹ آف پاکستان نے نیب ترامیم کیس کا محفوظ فیصلہ سنادیا،سپریم کورٹ نے نیب ترامیم کی کچھ شقیں کالعدم قرار دیدیں –
آج سپری کورٹ کی جانب سے کہا گیا کہ نیب ترمیمی بل کا فیصلہ سوا بارہ بجے سنایا جائے گا لیکن پھر اس میں کچھ تاخیر تو ہوئی تاہم ایک بجے کورٹ لگی اور اہم ترین فیصلہ آگیا – چیف جسٹس عمر عطا بندیال نے نیب ترامیم کیس کا فیصلہ سنایا،سپریم کورٹ نے نیب ترامیم کیس کا فیصلہ دو، ایک سے سنایا،جسٹس منصور علی شاہ نے نیب ترامیم کیس میں فیصلے سے اختلاف کیا ہے۔نیب ترامیم کے نیب ترامیم کی 10میں سے 9شقیں اڑا دیں،سپریم کورٹ نے مقدمہ ثابت کرنے کا بوجھ نیب پر ڈالنے کی شق اڑاکر رکھ دی ،اس کے علاوہ بے نامی کی تعریف سے متعلق نیب ترمیم بھی کالعدم قرار دیدی گئی،آمدن سے زائد اثاثوں کی تعریف تبدیل کرنے کی شق بھی کالعدم قرار دیدی گئی۔
جس سے عوامی عہدہ رکھنے والے سیاستدانوں کیخلاف کرپشن کیسز بحال ہو گئے، نیب کو 50کروڑ روپے سے کم مالیت کے کرپشن کیسز کی تحقیقات کی اجازت مل گئی،سپریم کورٹ نے ختم کئے گئے تمام نیب مقدمات بحال کردیئے۔ سپریم کورٹ نے اپنے حکم میں کہا کہ کرپشن کے خاتمے کے لیے کرپشن کیسز جہاں رکے تھے وہیں سے 7روز میں شروع کئے جائیں،سپریم کورٹ نے نیب قانون میں تبدیلی سے ختم کئے گئے کرپشن کیسز کے تمام فیصلے کالعدم قرار دے دیئے۔
یاد رہے کہ چیئرمین پی ٹی آئی نے نیب ترامیم کیخلاف درخواست دائر کی تھی،سپریم کورٹ نے چیئرمین پی ٹی آئی کی درخواست پر 53سماعتیں کیں،چیف جسٹس پاکستان کی سربراہی میں 3رکنی بنچ نے 5ستمبر کو فیصلہ محفوظ کیا تھا۔مگر اب عمر عطا بندیال رخصت ہوگئے ہیناب قاضی فائز عیسیٰ اگر چاہیں تو ایک لارجر بینچ بنا کر اس فیصلے کو بدل سکتے ہیں اب وہ اس فیصلے کو معطل کرتے ہیں یا نہیں اس کا فیصلہ اگلے 10 روز میں ہوجائے گا -سپریم کورٹ کے نیب ترمیمی بل منسوخ کرنے کے حکم نامے کے بعد سیاست دانوں کے تمام کیسز دوبارہ کھل گئے اور ان پر نااہلی کی تلوار بھی لٹک گئی-
