پاکستان میں موجود لاکھوں لوگ عمران ریاض خان کے حوالے سے بہت پریشان ہیں اور ان کی صحت و تندرستی اور سلامتی کی دعائیں بھی کررہے ہیں اور یہ جاننا چاہتے ہیں کہ وہ کہاں ہیں اور کس حال میں ہیں؟ – سینئر صحافی اور ولاگر نوراللہ نے دعویٰ کیا ہے کہ یوٹیوبر اور اینکر پرسن عمران ریاض خان کے حوالے سے اچھی خبر آئی ہے اور ا ن کا فیملی کیساتھ رابطہ بحال ہوگیا ہے۔
اپنے ولاگ میں نور اللہ نے بتایا کہ ’ عمران ریاض کے بارے میں معلوم ہوا ہے کہ وہ ٹھیک ہیں اوراس میں بھی اچھی خبر یہ ہے کہ ان کی فیملی سے ان کا رابطہ ہو گیا ہے، فیملی سے رابطہ ہونے کا مطلب یہ ہے کہ ان کو تسلی ہو گئی ہے کوئی بات چیت چل پڑی ہے، ظاہر ہے وہ آپس میں بات کرتے ہیں کہ کیسے ہیں؟ کیا ہیں؟ ان کی اہلیہ سے یا جو بھی فیملی کے قریبی ممبر ز ہیں، اابتدائی طورپر انہی سے رابطہ ہوتا ہے۔اس سے پہلے بھی کچھ صحافیوں نے یہ بتایا ہے کہ عمران ریاض خان سے ان کی اہلیہ کا فون پر رابطہ ہورہا ہے مگر ابھی تک یہ صرف ایک خبر ہی ہے کیونکہ جب تک ان کے اہل خانہ اس خبر کی تصدیق نہیں کردیتےدنیا بھر میں موجود ا ن کے فالورز پریشان ہی رہیں گے –
ان کامزید کہناتھاکہ میں نے تین چار دن پہلے خبر دی تھی کہ عمران ریاض کی واپسی ہو رہی ہے اور میرا تو خیال تھا کہ گزشتہ ہفتے یا پھر اتوارتک ہوجائے گی لیکن اس میں تاخیر ہوچکی ہے،لیکن وہ منظر عام پر آ جائیں گے لیکن تھوڑا سا لیٹ ہو گیا ہے لیکن فیملی کیساتھ رابطے کی خبر سے مجھے تقویت ملی ، وہ میرے بتائے وقت سے تاخیر ہی سہی لیکن وہ خیر خیریت سے اپنے گھر پہنچ جائیں گے ۔ اب دیکھتے ہیں کہ عدالت اس ضمن میں کیا کاروائی کرتی ہے؟ –