اسلام آباد: الیکشن کمیشن آف پاکستان (ای سی پی) نے منگل کو توہین عدالت کیس میں پاکستان تحریک انصاف (پی ٹی آئی) کے چیئرمین عمران خان اور پی ٹی آئی کے دیگر رہنماؤں کے قابل ضمانت وارنٹ گرفتاری جاری کردیے۔
ای سی پی نے 3 جنوری کو کیس کا فیصلہ محفوظ کیا تھا۔
سابق وزیراعظم عمران خان، پی ٹی آئی رہنماؤں فواد چودھری اور اسد عمر نے کیس میں حاضری سے استثنیٰ کی درخواست کی تھی جسے آج ای سی پی بینچ نے مسترد کردیا۔
Image Source: Al Jazeera
ای سی پی نے پی ٹی آئی رہنماؤں کو 17 جنوری سے پہلے 50،000 روپے کے ضمانتی مچلکوں پر ضمانت حاصل کرنے کی ہدایت کی ہے۔
گزشتہ ہفتے منگل کو سپریم کورٹ آف پاکستان نے الیکشن کمیشن آف پاکستان (ای سی پی) کو پی ٹی آئی چیئرمین عمران خان اور ان کی پارٹی کے رہنماؤں اسد عمر اور فواد چودھری کے خلاف متنازع ریمارکس پر دائر توہین عدالت کے مقدمے میں کارروائی جاری رکھنے کی اجازت دی تھی.
چیف جسٹس عمر عطا بندیال کی سربراہی میں جسٹس عائشہ اے ملک اور جسٹس اطہر من اللہ پر مشتمل تین رکنی بینچ نے الیکشن کمیشن کی درخواست پر سماعت کی۔