نو منتخب وزیراعظم شہباز شریف کو مبارکباد دینے پر سوشل میڈیا پر ہونے والی تنقید پر ردعمل دیتے ہوئے پاکستان کے سابق کپتان شاہد آفریدی نے کہا ہے کہ سابق وزیراعظم عمران خان کی پالیسیوں سے اختلاف کرنا ان کا حق ہے۔اپنے یوٹیوب چینل پر ایک ویڈیو بیان میں شاہد آفریدی نے کہا کہ میں نے ہمیشہ عمران خان کی بطور کپتان تعریف کی لیکن بطور وزیراعظم ان کی پالیسیوں سے اختلاف کرنا میرا حق ہے۔
انہوں نے کہا کہ مہذب معاشروں میں اختلاف رائے کا احترام کیا جاتا ہے، انہوں نے مزید کہا کہ اختلاف رائے کو نفرت میں تبدیل نہیں ہونا چاہیے
انہوں نے مزید کہا کہ مجھے معلوم تھا کہ جب میں نے شہباز شریف کو وزیراعظم بننے پر مبارکباد دی تو مجھ پر تنقید کی گئی۔ انہوں نے کہا کہ عمران خان ہمیشہ سے ان کے آئیڈیل رہے ہیں، انہوں نے مزید کہا کہ انہوں نے ان سے متاثر ہو کر کرکٹ شروع کی۔
انہوں نے مزید کہا کہ میں نے کبھی ان پر ذاتی حملہ نہیں کیا لیکن مجھے ان کی پالیسیوں سے اختلاف کرنے کا حق ہے۔ اسٹار کرکٹر کا کہنا تھا کہ میں نے ایک عام پاکستانی کی حیثیت سے اپنے خیالات کا اظہار کیا۔آفریدی نے کہا کہ ریاست کا سربراہ قابل احترام ہے، چاہے اس کی پارٹی سے وابستگی کیوں نہ ہو، کیونکہ وہ ملک کی نمائندگی کرتا ہے، اگر آپ دنیا میں اپنے ملک کی عزت چاہتے ہیں تو وزیراعظم کا احترام کریں۔
عوام بھی یہ بات پوچھنے کا حق رکھتی ہے کہ کیا شاہد آفریدی نے کبھی ماضی میں آصف زرداری ،نواز شریف یا شہباز شریف کو تنقید کا نشانہ بنایا اگر انھوں نے نواز حکومت یا پیپلز پارٹی کے دور حکومت پر تنقید کی تو تووہ اب بھی بالکل درست کام کررہے ہیں مگر اگر وہ ان کے دور میں خاموش رہے تو عوام ان پر انگلیاں اٹھائے گی