اسلام آباد: وزیر اعظم عمران خان نے پیر کو پی ٹی آئی رہنماؤں کے درمیان “اتفاق کی کمی” پر “غصے” کا اظہار کیا اور انہیں ہدایت کی کہ الیکشن کمیشن آف پاکستان کے ساتھ تنازعہ کے درمیان وفاقی وزراء اعظم سواتی اور فواد چوہدری کی حمایت کریں،اور ان کے ساتھ الیکشن کمیشن جائیں ۔ .
مبینہ طور پر وزیر اعظم نے یہ ریمارکس ایک روز قبل پی ٹی آئی کی کور کمیٹی کے اجلاس کے دوران کہے جس میں کالعدم تحریک لبیک پاکستان (ٹی ایل پی) کے احتجاج کے بعد ملک میں جاری سیاسی صورتحال پر تبادلہ خیال کیا گیا۔
ذرائع کے مطابق وزیراعظم اپنی کابینہ کے وزراء اور پارٹی قیادت سے غیر مطمئن نظر آئے اور ارکان سے شکایت کی کہ ’’آپ لوگ کسی معاملے پر ساتھ کھڑےنہیں ہوئے ۔
ای سی پی چاہتا ہے کہ پی ٹی آئی کے اعظم سواتی کمیشن کے خلاف الزامات کی وضاحت کے لیے ذاتی طور پر پیش ہوں۔
ذرائع نے مزید کہا کہ اسعمران خان نے اپنی کابینہ کے ارکان کو اپنے ذاتی اختلافات کو بالائے طاق رکھنے اور ان سب کو قومی اور سیاسی مسائل پر “ایک ہی زبان بولنے” کو کہا۔
اندرونی ذرائع کے مطابق وزیراعظم عمران خان نے ایم کیو ایم پی کے قانون سازوں کی مثال دی، جو ان کے مطابق ہمیشہ ایک دوسرے کی پشت پناہی کرتے تھے۔ انہوں نے مبینہ طور پر پارٹی رہنماؤں کو بتایا کہ “جب میں ایم این اے تھا، ایم کیو ایم کے قانون ساز وہی زبان بولتے تھےجو ان کا لیڈر انہیں حکم دیتا تھا ۔”
ٹی ایل پی کے بحران کے دوران وفاقی وزراء بالخصوص شیخ رشید ۔فواد چوہدری اور فیصل وواڈا میں ابہام واضح تھا جب وہ کالعدم تنظیم سے مذاکرات سے متعلق متضاد بیانات جاری کر رہے تھے۔
کور کمیٹی کے اجلاس کے دوران وزیراعظم نے پارٹی قیادت کو ہدایت کی کہ وہ اعظم سواتی اور فواد چوہدری کے ساتھ ای سی پی کے سامنے پیش ہوں۔ دونوں وزراء کو ای سی پی اور چیف الیکشن کمشنر کے خلاف الزامات لگانے پر توہین عدالت کے الزامات کا سامنا ہے۔
پی ٹی آئی کی کور کمیٹی نے ای سی پی کی جانب سے جاری کیے گئے نوٹسز پر بھی تشویش کا اظہار کرتے ہوئے کہا کہ یہ غیر منصفانہ ہیں اور انہیں فوری طور پر واپس لیا جانا چاہیے۔
ذرائع کا کہنا ہے کہ وزیراعظم نے وزیراعلیٰ پنجاب عثمان بزدار کو بلدیاتی انتخابات کے مسودے کی جلد کابینہ سے منظوری لینے کی بھی ہدایت کی۔
کالعدم تنظیم کے ساتھ ہونے والے معاہدے پر بحث کے دوران وزیراعظم نے ارکان کو عوامی سطح پر معاہدے پر بات کرنے سے روک دیا۔
اجلاس میں پارلیمنٹ کے مشترکہ اجلاس پر بھی مشاورت کی گئی۔
