انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) کے اسلام آباد کانکلیو 2021 میں خطاب کرتے ہوئے، وزیر اعظم خان نے کہا کہ جنوبی ایشیاء کو سیاسی اختلافات اور تنازعات نے پسپا کر رکھا ہے انھوں نے تنازعہ کشمیر کو خطہ کی ترقی کو پس پشت ڈالنے والا “سب سے بڑا مسئلہ” قرار دیا۔
انہوں نے کہا کہ پاکستان اور ہندوستان کے درمیان تعلقات میں پیشرفت روک دی گئی ہے کیونکہ ان کی حکومت کو آر ایس ایس کے انتہا پسند نظریہ سے نمٹنا تھا جو اس وقت دہلی پر حاوی ہے۔ “بھارت کے ساتھ بامعنی مذاکرات اس وقت تک ناممکن ہیں جب تک کہ وہاں کی حکومت اس تشدد پسندانہ نظریے سے نہیں ہٹتی – انہوں نے امید ظاہر کی کہ ایک دن بھارت میں ایک عقلی حکومت ہو گی جس کے ساتھ منطقی اور سمجھدار بات چیت کے ذریعے تنازعات کا حل تلاش کیا جا سکے گا ۔
وزیر اعظم نے توقع ظاہر کی کہ ایک بار جب دونوں حریف کشمیر کا بنیادی تنازعہ حل کر لیں گے تو پھر وہ ماحولیاتی تبدیلی جیسے ابھرتے ہوئے خطرات سے مشترکہ طور پر لڑنے کے لیے آگے بڑھ سکتے ہیں۔ انہوں نے اس بات پر افسوس کا اظہار کیا کہ ان کی حکومت کی جانب سے بھارت کے لیے امن کے تمام اقدامات کو اب تک دہلی میں اس کی کمزوری کی علامت کے طور پر دیکھا گیا ہے۔
خان صاحب کو بھی 4 سال بعد علم ہو ہی گیا کہ مودی اپنے مفاد کے لیے اور اپنی حکومت کو فروغ دینے کے لیے کیا کیا کرسکتا ہے لیکن اب عمران خان کو یہ پتہ لگ گیا ہے کہ مودی لاتوں کا بھوت ہے اس پر “کلام نرم و نازک ” بے اثر ہی رہے گا
