پاکستان تحریک انصاف کے سینئر رہنماؤں کی گرفتاری کا سلسلہ جاری ہے اور عمران خان نے اپنی گرفتاری کی صورت میں جس 7 رکنی کمیٹی کو پارٹی امور چلانے کا کہا تھا آج ان تمام رہنماؤں کو گرفتار کرلیا گیا ہے -پاکستان تحریک انصاف کے اہم ترین رہنما علی محمد خان اور اعجاز چوہدری کو بھی گرفتار کرلیا گیا ہے۔
علی محمد خان کو سپریم کورٹ آتے ہوئے راستے سے گرفتار کیا گیا ہے ، پولیس حکام کا کہنا ہے کہ علی محمد خان کو تھری ایم پی او کے تحت گرفتار کیا گیا۔واضح رہے کہ پولیس حکام کی جانب سے گزشتہ رات تحریک انصاف کے وائس چیئرمین شاہ محمود قریشی اور فواد چوہدری کو بھی گرفتار کر لیا گیا ہے ۔