پاکستان مین سال 2024 میں جس ڈرامے کو سب سے زیادہ پسند کیا گیا وہ عشق مرشد تھا ،اس ڈرامے میں ہیرو کا کردار بلال عباس اور ہیروئن کا کردار درفشاں سلیم نے ادا کیا تھا -ڈرامے مین چلنے والی محبت اب حقیقت کا روپ دھار رہی ہے اور لگتا ہے کہ یہ جوڑی شادی کرنے والی ہے -اسی موضوع پر بات کرتے ہوئے معروف یوٹیوبر ماریہ علی نے دعویٰ کردیا کہ یہ خبریں ہیں کہ درفشاں سلیم اور بلال عباس نے مبینہ طور پر خفیہ طور پر شادی کرلی ہے اور دونوں نے اپنے کیریئر کی وجہ سے اپنے نکاح کو دُنیا سے خفیہ رکھا ہوا ہے۔ماریہ علی نے کہا کہ یہ سب نے ہی دیکھا ہے کہ ڈرامہ سیریل ‘عشق مرشد’ کی آخری قسط کے پریمیئر پر بلال عباس نے ایک لمحے کے لیے بھی درفشاں کو تنہا نہیں چھوڑا تھا، دونوں نے ایک حقیقی جوڑی کی طرح ایک دوسرے کا ہاتھ پکڑا ہوا تھا۔
اُنہوں نے کہا کہ ‘عشق مرشد’ کی آخری قسط کے پریمیئر پر دونوں ہی اداکار تین گھنٹے تاخیر سے آئے تھے، اس کے علاوہ ڈرامے کے سیٹ پر بھی دونوں ساتھ ہی آتے تھے، اکٹھے کھانا کھاتے تھے اور شوٹنگ کے دوران بھی زیادہ وقت اکٹھے ہی گزارتے تھے۔ ان کا کہنا تھا کہ حال ہی میں درفشاں سلیم نے جب عُمرے کی سعادت حاصل کی تو بلال عباس بھی عُمرے کی ادائیگی کے لیے سعودی عرب میں موجود تھے۔
اُن کا کہنا تھا کہ بلال عباس اور درفشاں سلیم نے ایک ساتھ عُمرے کی سعادت حاصل کی لیکن مداحوں کو بظاہر یہی دکھایا کہ دونوں الگ الگ عُمرہ کرنے گئے ہیں۔ اسی انٹرویو میں شریک عُمر شہزاد کا کہنا تھا کہ وہ اور درفشاں ایک ہی بلڈنگ میں مقیم تھے، اداکار کے مطابق جب وہ شہر سے باہر چلے تھے تو اُن کی غیرموجودگی میں بلال عباس، درفشاں سلیم سے ملنے کے لیے آتے تھے اور جب عُمر شہزاد نے درفشاں سے بلال عباس سے متعلق شکوہ کیا تو اداکارہ نے کہا کہ وہ صرف دوست کی حیثیت سے آتے ہیں۔
