عراق کے صوبے نینوا میں شادی کی ایک تقریب کے دوران شادی ہال میں آگ لگنے سے دلہا دلہن سمیت 113 افراد ہلاک ہوگئے۔ واقعے کی تحقیقات جاری ہیں -شادی ہال بری طرح جل جانے کے سببب ہلاکتوں میں اضافے کا خدشہ ہے۔ شادی ہال کے قریبی علاقے کو عوام کے لیے بند کردیا گیا ہے۔
غیرملکی میڈیا کے مطابق ہمدانیہ شہر کے ایک شادی ہال میں تقریب جاری تھی کہ اچانک آگ بھڑک اٹھی۔ آتشزدگی کے وقت ایک ہزار سے زائد افراد شادی کی تقریب میں موجود تھے۔عراق کی وزارت شہری دفاع کا کہنا ہے کہ ابتدائی تحقیقات کے مطابق آگ آتش بازی کے سامان میں لگی۔ شادی ہال کو قوانین کی خلاف ورزی کرتے ہوئے ہال میں آتش بازی کا سامان رکھا گیا تھا جس کے سبب یہ حادثہ پیش آیا ۔ واقعہ میں ساڑھے چار سو سے زائید افراد زخمی ہوئے جن میں سے بیشتر کی حالت نازک ہے ۔ اب تک دلہا دلہن سمیت 113 افراد کے جاں بحق ہونے کی تصدیق ہوئی ہے۔