عدالت نے حکومت کو گڑ اور شکر بنانے والوں کے خلاف کارروائی سے بھی روک دیا ہے

لاہور ہائیکورٹ نے چینی کی قیمت مقرر کرنے سے متعلق درخواستوں پر تحریری فیصلہ دے دیا۔

عدالت نے حکومت کو گڑ اور شکر بنانے والوں کے خلاف کارروائی سے بھی روک دیا ہے۔

جسٹس شاہد جمیل خان نے 14 صفحات پر مشتمل تفصیلی فیصلہ جاری کیا اور چینی کی قیمت مقرر کرنے کے خلاف شوگر ملوں کی درخواستیں نمٹادیں۔

عدالت نے فیصلے میں کہا کہ معاملہ پہلے ہی اپیلیٹ کمیٹی کے روبرو زیر سماعت ہے۔

عدالت نے اپنے فیصلے میں مزید کہا کہ چینی کی قیمت مقرر کرنے کے تکنیکی معاملے میں عدالت مداخلت نہیں کرنا چاہتی ہے۔

لاہور ہائیکورٹ نے گڑ اور شکر بنانے سے متعلق 1948 کا قانون آئین سے متصادم قرار دیا۔