عدالتی حکم پر نون لیگ پنجاب اسمبلی کی ایک اور سیٹ سے محروم

آج پی ٹی ائی کو لاہور ہائی کورٹ سے بڑا ریلیف مل گیا جب عدالت نے نون لیگی رکن صوبائی اسمبلی کی کامیابی کا نوٹیفیکیشن معطل کردیا -لاہور ہائیکورٹ نے (ن) لیگ کے رکن پنجاب اسمبلی رانا ارشد کی کامیابی کا نوٹی فکیشن کالعدم قرار دے دیا۔لاہور ہائیکورٹ کے جسٹس شاہد کریم نے سنی اٹھاد کونسل کے محمد عاطف کی درخواست پر تحریری فیصلہ جاری کیا۔عدالتی فیصلے میں کہا گیا ہے کہ الیکشن کمیشن ، الیکشن ایکٹ کی سیکشن 95 کی شق 6 کا استعمال نہیں کرسکتا، عدالت کا کہنا تھا کہ ریٹرننگ افسر دوبارہ ووٹوں کی گنتی سے انکار کرچکا تھا اور فارم 47 جاری کرکے فارم 49 کے لئے سفارشات بھیج چکا تھا لہٰذا اس موقع پر الیکشن کمیشن، الیکشن کی سیکشن 95 کی شق 6 کا استعمال نہیں کرسکتا۔ اس لیےعدالت الیکشن کمیشن کی جانب سے 9 اپریل کے جاری نوٹیفکیشن کالعدم قرار دیتی ہے ۔لاہور ہائیکورٹ نے فیصلے میں کہا کہ الیکشن کمیشن کے وکیل کے مطابق عدالت الیکشن کمیشن کے اختیار میں مداخلت نہیں کرسکتی۔یاد رہے کہ مسلم لیگ (ن) کے رانا محمد ارشد پنجاب اسمبلی کے حلقہ پی پی 133 میں دوبارہ گنتی کے بعد میں کامیاب قرار پائے تھے اور آزاد امیدوار محمد عاطف نے ان کی کامیابی کے خلاف درخواست دائر کر رکھی تھی۔