اللہ پاک نے غریب پاکستانیوں کی دعا سن لی دنیا بھر میں تیل کی قیمتیں نیچے آنے لگیں ہیں جس کے بعد امید پیدا ہوگئی ہے کہ ہمارے ملک میں بھی پٹرول کی قیمت میں بڑی کمی ہوجائے گی -مہنگائی کے ستائے عوام کیلئے اچھی خبر، پیٹرولیم مصنوعات کی قیمتوں میں بڑی کمی کاامکان ہے۔
نجی ٹی وی چینل “دنیا نیوز” کے مطابق عالمی مارکیٹ میں پیٹرول اور ڈیزل کی قیمت میں کمی ہوئی ہے،جس کے پاکستان میں بھی مثبت اثرات مرتب ہونے کی توقع ہے، ذرائع کا کہنا ہے کہ پیٹرول کی قیمت میں 38روپے جبکہ ڈیزل کی قیمت میں 18روپے فی لیٹر کمی متوقع ہے۔
ادھرعالمی مارکیٹ میں پیٹرول 12اور ڈیزل 9ڈالر فی بیرل سستا ہوا ہے،عالمی مارکیٹ میں پیٹرول کی قیمت 102ڈالر فی بیرل ہو گئی،عالمی مارکیٹ میں ڈیزل کی قیمت 117ڈالر فی بیرل ہو گئی ، روپے کی قدر میں بہتری سے بھی قیمتیں کم ہونے کا امکان ہے۔پٹرول کی قیمتوں میں مسلسل اضافے سے غریب کے لیے ایک وقت کا کھانا کھانا بھی مشکل ہوگیا تھا –