امریکی ریاست نیو ہیمپشائر میں ایک پرانی اشیا فروخت کرنے والے اسٹور سے صرف 4 ڈالر میں خریدی گئی ایک پینٹنگ نیلامی کے دوران ایک لاکھ 91 ہزار ڈالرز میں فروخت ہوگئی۔ تقریبا 80 سال قبل بنائی گئی یہ پینٹنگ کسی جگہ سے گم ہوگئی تھی پھر یہ مختلف لوگوں کے گھروں کی زینت بنی -پینٹنگ کا یہ نادر نمونہ معروف آرٹسٹ و پینٹر این سی ویتھ کی تخلیق تھی مگر وقت گزرنے کے ساتھ اس کا رنگ روپ بگڑ گیا تو اسے کسی سٹور میں رکھ دیا گیا –
اینٹیک کا شوق رکھنے والی ایک خاتوں نے یہ پینٹنگ صرف 4 ڈالر میں 2017 میں مانچسٹر کے ایک سٹورسے خرید لی ۔ تاہم خاتون کو یہ معلوم نہیں تھا کہ انہوں نے امریکا سے تعلق رکھنے والے ایک مشہور و معروف آرٹسٹ نیویل کونورس ویتھ کا قیمتی نمونہ کوڑیوں کے مول خرید لیا ہے۔ اس پینٹنگ کا عنوان رامونہ ہے، جو کہ ہیلن ہنٹ جیکسن کے ناول رامونہ کے لٹل، براؤن اور کو کے چار کمیشنڈ سیٹ میں سے 1939 کا ایک ایڈیشن ہے۔
بعدازاں بون ہیمس آکشن ہاؤس نے انسٹاگرام پر اسے شیئر کیا اور لکھا، طویل عرصے قبل این سی ویتھ کی کھو جانے والی پینٹنگ بون ہیمس اسکینر میں 19 ستمبر کو نیلامی کے لیے پیش کی جائے گی۔ بعدازاں نیلامی کے دوران یہ ایک لاکھ 91 ہزار ڈالرز میں فروخت ہوئی۔