اسلام آباد (انٹرنیوز) وزیراعظم شہباز شریف نے سرکاری تقریبات میں پروٹوکول کیلئے سرخ قالین کے استعمال پر پابندی عائد کردی ہے۔ تفصیلات کے مطابق وزیراعظم شہباز شریف نے سرکاری تقریبا ت میں پروٹوکول کیلئے سرخ قالین کے استعمال پر برہمی کا اظہار کیا ہے جس کے بعد تقریبات میں اس کے استعمال پر پابندی عائد کردی گئی ہے۔ وزیراعظم نے کہا ہے کہ آئندہ وفاقی وزراء اور حکومتی شخصیات کیلئے ریڈ کارپٹ استعمال نہیں ہوگا، صرف سفارتی تقریبات میں پروٹوکول کے سرخ قالین کے استعمال کی اجازت ہوگی۔اس بارے کابینہ ڈویژن کی جانب سے نوٹیفکیشن بھی جاری کردیا گیا ہے۔