پاکستانی آل راؤنڈر شاداب خان کی انجری سے متعلق پاکستان کرکٹ بورڈ کا کہنا ہے کہ اب کرکٹر کی صحت میں بہتری آرہی ہے۔پی سی بی کے مطابق شاداب خان کے کنکشن میں بہتری آ رہی ہے، گزشتہ روز شاداب نے ہلکی ٹریننگ بھی کی تھی۔”جیو نیوز” کے مطابق کرکٹ بورڈ کا کہنا ہے کہ کنکشن کی کچھ علامات کی وجہ سے آج نیوزی لینڈ کے خلاف میچ میں شاداب خان کو موقع نہیں دیا جارہا،ان کی صحت میں بہتری آنے کے بعد کافی امکان ہے کہ وہ کولکتہ میں انگلینڈ کے خلاف وہ میچ کے لیے دستیاب ہوں۔
واضح رہے کہ آل راؤنڈر جنوبی افریقا کے خلاف میچ میں کنکشن کا شکار ہوئے تھے، کنکشن کی وجہ سے شاداب پہلے بنگلادیش اور آج نیوزی لینڈ کے خلاف میچ میں حصہ نہیں لے سکے آج ٹیم میں ان کی کمی کو شدت کے ساتھ محسوس کیا گیا ۔اگر آج پاکستان میج جیت جاتا ہے اور وہ انگلینڈ کے خلاف صحت یاب ہوکر میچ میں حصہ لیتے ہیں تو یہ پاکستانی ٹیم کے لیے بہت حوصلہ افزا ہوگا –