سید علی گیلانی کو خراج عقیدت پیش کرنے کے لیے کل مقبوضہ کشمیر میں مکمل ہڑتال کی جائے گی۔
بھارت کے غیر قانونی طور پر مقبوضہ جموں و کشمیر میں مکمل ہڑتال کی جائے گی اور کشمیر کی مزاحمتی تحریک کے آئیکن سید علی گیلانی کو ان کی پہلی برسی کے موقع پر خراج عقیدت پیش کرنے کے لیے جمعرات کو سری نگر میں حیدر پورہ کی طرف ایک زبردست مارچ کیا جائے گا۔
سید علی گیلانی نے گزشتہ برس آج کے دن سری نگر میں اپنی رہائش گاہ حیدر پورہ میں بھارتی پولیس کی حراست میں جام شہادت نوش کیا جہاں انہیں ایک دہائی سے زائد عرصے تک مسلسل نظربند رکھا گیا۔
بند اور مارچ کی کال کل جماعتی حریت کانفرنس نے دی ہے اور دیگر تنظیموں نے اس کی حمایت کی ہے۔
اے پی ایچ سی نے لائن آف کنٹرول کے دونوں جانب اور دنیا بھر میں بسنے والے کشمیریوں سے مطالبہ کیا ہے کہ وہ عالمی برادری کی توجہ میں بھارتی مظالم کی طرف مبذول کرانے کے لیے احتجاجی مظاہرے کریں۔
اے پی ایچ سی نے کہا کہ سید علی گیلانی کے مشن کو ہر قیمت پر منطقی انجام تک پہنچایا جائے گا۔
