کل پاکستان کے صوبے پنجاب نے گرمی کا زور توڑا وہیں یہ بارش بہت سے پاکستانیوں کی زندگی کے چراغ بھی گل کرگئی -سب سے زیادہ ہلاکتیں نارووال میں ہوئیں جہاں 5 افراد آسمانی بجی سے لقمہ اجل بن گئے -سیالکوٹ، پسرور، شیخوپورہ اور نارووال میں آسمانی بجلی گرنے کے مختلف واقعات میں 11 افراد جاں بحق جبکہ 6 زخمی ہو گئے ہیں۔ ریسکیو ذرائع کے مطابق ضلع نارووال میں آسمانی بجلی گرنے سے 5 افراد جاں بحق اور 4 زخمی ہوئے۔ واقعات نارووال کے نواحی علاقوں چانگو والی، پنج پیر، رتیہ خورد ، کانگو والی میں پیش آئے، بجلی گرنے کے بعد اہل علاقہ میں خوف و ہراس پھیل گیا، ریسکیو ٹیموں نے جاں بحق افراد کی لاشوں اور زخمیوں کو ڈسٹرکٹ ہیڈ کوارٹر ہسپتال منتقل کر دیا۔
پنجاب کے مختلف اضلاع میں آسمانی بجلی گرنے سے 12 افراد جاں بحق ہو گئے۔
براہ راست دیکھیں:https://t.co/7PN6qbAHwL#BOLNews #Punjab pic.twitter.com/W3d1HpEDxf— BOL Network (@BOLNETWORK) June 26, 2023
نارووال: آسمانی بجلی گرنے سے 4 افراد جاں بحق#ARYNews pic.twitter.com/4QyrwDwL8F
— ARY NEWS (@ARYNEWSOFFICIAL) June 25, 2023
دوسری جانب شیخوپورہ میں بھی 2 مختلف مقامات پر آسمانی بجلی گرنے کے واقعات سامنے آئے ہیں، منڈیالہ ورکاں میں بھینسوں کے باڑے میں موجود ایک شخص آسمانی بجلی گرنے سے جان کی بازی ہار گیا۔ چک شاہ پور میں قبرستان میں بیٹھے 3 افراد بھی آسمانی بجلی کی زد میں آ گئے، جن میں سے 1 جاں بحق اور 2 زخمی ہو گئے۔شرق پور روڈ گرڈ سٹیشن میں آسمانی بجلی گرنے سے آگ لگ گئی، ریسکیو عملے نے آگ پر قابو پا لیا۔ سیالکوٹ اور پسرور کے نواحی علاقوں میں بھی آسمانی بجلی گرنے سے5 افراد جاں بحق ہو گئے، نواحی گائوں ٹھٹھہ ملکھی میں ایک شخص آسمانی بجلی کی زد میں آ گیا جبکہ محلہ بھگت پورہ میں 13 سال کا بچہ عبدالقیوم آسمانی بجلی گرنے سے جاں بحق ہو گیا۔
