پاک فوج اور انتیلیجنس ادارے پاکستان کے خلاف ہونے والی سازشیں ناکام بنانے کے لیے تن من کی بازی لگارہے ہیں -اور اپنے لہو سے ارض پاک کو دہشتگردوں کے لگائے شعلے بجھا رہے ہیں -آج اسی حوالے سے فوج نے دہشت گردوں پر ایک کاری وار کیا -سکیورٹی فورسز نے ٹانک میں انٹیلی جنس بیسڈ آپریشن کرتے ہوئے 10 دہشتگردوں کو ہلاک کردیا۔پاک فوج کے شعبہ تعلقات عامہ کے مطابق آپریشن ضلع ٹانک کے علاقے پیزو میں کیا گیا، آپریشن کے دوران سکیورٹی فورسز اور دہشتگردوں میں شدید فائرنگ کا تبادلہ ہوا۔
آئی ایس پی آر کے مطابق ہلاک دہشتگرد سکیورٹی فورسز کے خلاف متعدد دہشت گردانہ کارروائیوں، بھتہ خوری اور بے گناہ شہریوں کے قتل میں بھی ملوث تھے، جن کے قبضے سے اسلحہ اور گولہ بارود کا بڑا ذخیرہ برآمد ہواہے۔آئی ایس پی آر نے مزید کہا کہ علاقہ مکینوں نے دہشتگردوں کے خلاف آپریشن کو سراہا، سکیورٹی فورسز ملک سے دہشتگردی کے خاتمے کیلئے پرعزم ہیں۔
