دنیا بھر کی معروف شخصیات تیزی سے اسلام کی جانب راغب ہورہی ہیں -دین اسلام کا مطالعہ انہیں بتارہا ہے کہ سچا مزہب کون سا ہے -یوں تو دنیا بھر کے مختلف شعبوں سے تعلق رکھنے والے غیر مسلم اسلام قبول کررہے ہیں مگر ان میں زیادہ تعداد ان معروف شخصیات کی ہے جن کا تعلق باکسنگ ، فٹبال اور شوبز سے ہے -آج اس میں ایک اور نئے نام کا اضافہ ہوگیا ہے -ہسپانوی فٹ بالر پیلی ٹریو نے اسلام قبول کرلیا ہے .
ان سے قبل جرمن ڈیفینڈر رابرٹ باؤر، ہالینڈ اسٹا ر کلیرنس سیڈورف ، بارسلونا کلب اسٹار ایرک ابیڈل بھی مسلمان ہوچکے، گھانا کے اسٹار تھامس پارٹی، فرانسیسی فٹ بالر فرینک ریبیری، مالی کے فریڈ ریڈ کانوٹ، مانچسٹر یونائیٹڈ کے اسٹار پال پوگبا بھی اسلام قبول کرچکےفرانسیسی نکولس انیلکا،ٹوگو کے سابق کپتان ایمانوئل ایڈیبائر نے بھی اسلام قبول کیا.
ترک خبررساں ادارے نے ہسپانوی میڈیا آؤٹ لیٹ مارکا کے حوالے سے لکھا کہ 32 سالہ پیلیٹریواپنے گیارہ سال سےدوست سابق کویتی فٹ بالر فیصل بوریسلی سے اسلام کے متعلق سیکھنے کے بعد مسلمان ہوئے۔ انہوں نے کہا کہ وہ مسلمان ہونے پربہت خوش اور طاقتور محسوس کررہے ہیں , انہوں نے مزید کہا کہ اسلام کے دائرے میں شامل ہوناان کی زندگی کا بہترین لمحہ تھا، اور اس کے لیے وہ اپنے مسلمان ٍفٹبالر بوریسلی کا شکریہ ادا کرتے ہیں۔
پیلی ٹریو نے کہا کہ جب اس نے بوریسلی کے گھر رات کا کھانا کھایا تو اس کی والدہ نے پیلیٹریو کو ایک کیک پیش کیا جس پراسلام میں خوش آمدید لکھا ہوا تھا۔شمال مغربی اسپین میں پیدا ہو نے والے پیلیٹریو نے2021میں فٹ بال سے ریٹائرمنٹ لے لی تھی ۔