معروف سپر ماڈل گیگی حدید اور بیلا حدید کو غزہ میں جاری اسرائیلی فوجی کارروائی کے دوران اسرائیلی حکومت کے اقدامات پر تنقید کی وجہ سے جان سے مارنے کی دھمکیوں اور ایذا رسانی کا سامنا ہے۔
ایک فلسطینی والد، لگژری رئیل اسٹیٹ ڈویلپر محمد حدید کے ہاںجنم لینے والی یہ سپر سٹار ماڈل بہنیں فلسطینیوں کے حقوق کی بھرپور وکالت کرتی رہی ہیں۔
حدید کے خاندان کو جان سے مارنے کی دھمکیوں کی تعداد بہت زیادہ ہوجانے کے بعد ان کو اپنے فون بدلنے کا بھی کہا گیا ہے -ان دھمکیوں کے بعد ، محمد حدید مبینہ طور پر فیڈرل بیورو آف انویسٹی گیشن کو رپورٹ بھی کرنے کا سوچ رہے ہیں تاکہ ان دھمکی آمیز پیغامات کے ذمہ دار افراد کا سراغ لگایا جا سکے۔
گیگی حدید نے 7 اکتوبر کو جنوبی اسرائیل میں حماس کے حالیہ حملے کے بعد، فلسطینی اور یہودی دونوں کی جانوں کے ضیاع پر تعزیت کا اظہار کیا تھا جس کے بعد ان کی مخالفت زور پکڑ گئی ۔
28 سالہ ماڈل نے کہا کہ “مجھے فلسطینیوں کی جدوجہد اور قبضے کے تحت زندگی کے لیے گہری ہمدردی اور یہ ایک ذمہ داری ہے جسے مجھے ہر حال میں نبھانا ہے،” 28 سالہ ماڈل نے کہا۔ اس نے اس بات پر بھی زور دیا کہ فلسطینیوں کی سوچ میں یہودی افراد کو نقصان پہنچانا شامل نہیں ہے۔
سپر ماڈل نے حماس سے بھی مزید حملے نہ کرنے کی اپیل کی اور اس بات پر زور دیا کہ ان کارروائیوں سے فلسطینی مزاحمت کو یہود مخالف کے طور پر غلط شکل دینے کا خطرہ ہے۔
اپنے انسٹاگرام اکاؤنٹ پر، اس نے ایک اقتباس شیئر کیا جس میں اس تصور کو ختم کیا گیا کہ اسرائیلی حکومت پر تنقید کرنا یہود دشمنی کے مترادف ہے۔
اس میں لکھا تھا، “اسرائیلی حکومت کے فلسطینیوں کے ساتھ سلوک کے بارے میں یہودیوں کی کوئی بات نہیں ہے۔ اسرائیلی حکومت کی مذمت کرنا یہود مخالف نہیں ہے، اور فلسطینیوں کی حمایت حماس کی حمایت نہیں ہے۔”
