جب سے عمران خان کی حکومت گرائی گئی ہے اس وقت سے اب تک ملک بحران سے باہر نہیں نکل سکا -اس کے بعد جب 2 صوبائی اسمبلیاں توڑی گئیں اور صدر مملکت نے سپریم کورٹ کی ہدایت پر 14 اپریل کی تاریخ دی تو اس کے بعد امکان پیدا ہوگیا تھا کہ اب 90 دن میں انتخابات ہوجائیں گے مگر الیکشن کمیشن نے ملک میں انتخابات کروانے سے انکار کردیا تھا – اس طرح آئین کو توڑا گیا اور انتخابات نہ ہوسکے اب اس حوالے سے سپریم کورٹ میں اس کیس کی سماعت ہونے جارہی ہے -الیکشن کمیشن نے اس حوالے سے سپریم کورٹ میں نظر ثانی کی درخواست کی تھی جس پر سپریم کورٹ کا 3 رکنی بینچ 31 اگست سے سماعت کرے گا -چیف جسٹس بینچ کی سربراہی کریں گے جبکہ جسٹس اعجازالاحسن اور جسٹس منیب چیف جسٹس کی معاونت کریں گے –
بریکنگ نیوز۔ سپریم کورٹ نے پنجاب انتخابات 14 مئی کو کروانے کے فیصلے کے خلاف الیکشن کمیشن کی نظر ثانی اپیل سماعت کیلئے مقرر کردی۔
چیف جسٹس پاکستان عمر عطا بندیال کی سربراہی میں قائم تین رکنی خصوصی بنچ 31 آگست کو سماعت کرے گا۔ pic.twitter.com/7wMVlwbzqr— Adv Abdul Ghaffar (@adv_ghaffar1) August 29, 2023
دوسری جانب قومی اسمبلی کی تحلیل کے بعد ایک مرتبہ پھر 90 روز میں الیکشن ہونا لازمی ہیں مگر ایسا لگ رہا ہے کہ ملک میں انتخابات نہیں ہونے جارہے اس پر اب تمام سیاسی جماعتوں کو احساس ہونے لگا ہے کہ ان سے کوئی بھول ہوگئی ہے اسی لیے اب پیپلز پارٹی اور جماعت اسلامی سمیت بہت سی پارٹیاں شور مچا رہی ہیں کہ 90 روز میں انتخابات کروائے جائیں مگر لگتا ہے کہ اب ان کی بھی بات نہیں سنی جائے گی -مگر ساری دنیا اور پاکستان کے لوگ بار بار طاقت ور حلقوں کو ایک ہی بات سمجھارہے ہیں کہ ملک میں مسائل کا واحد حل انتخابات ہیں -کیونکہ اس وقت ملک میں مہنگائی کا جو طوفان آیا ہے اس کی وجہ سے پاکستان کی معیشت تباہی کے دہانے پر ہے عوام بجلی اور پٹرول کی قیمتوں کے خلاف سڑکوں پر ہیں اور کوئی ایک ذرا سی غلطی ملک میں ہنگامہ برپا کرسکتی ہے -تمام سٹیک ہولڈرز کو چاہیے کہ ٹھنڈے مزاج اور سنجیدگی کے ساتھ مزاکرات کی میز پر بیٹھیں اور ملک اور عوام کو اس عزاب سے نکالیں –
