پاکستان میں بدترین معاشی حالات کا اثر سونے پر سب سے زیادہ پڑرہا ہے چند سال قبل تک 70 ہزار روپے تولا تک جانے وال سونا اب اڑھائی لاکھ روپے تولا کے قریب آگیا ہے -سونے کی فی تولہ قیمت 4600 روپے بڑھ کر 2 لاکھ 43 ہزار 800 روپے ہوگئی۔
ملک میں 10 گرام سونے کی قیمت 3944 روپے بڑھ کر 2 لاکھ9 ہزار 19 روپے ہے۔دوسری جانب عالمی بازار میں سونے کی فی اونس قیمت 2344 ڈالر ہے، عالمی بازار میں ایک اونس سونے کا بھاؤ 54 ڈالر بڑھا ہے۔پاکستان میں سونے کی عالمی قیمت 20 ڈالر پریمیم شامل کر کے 2366 ڈالر فی اونس ہے۔سونے کی قیمتوں میں اس اضافے کے بعد جیولرز کی دکانوں پر حسرت برستی نظر آتی ہے یا آرتیفیشیل جیولری پڑی نظر آتی ہے اور بہت سے لوگ یہ کاروبار چھوڑ کر دوسرا کاروبار کرنے لگے ہیں -10 میں سے 9 والدین اب اپنی بیٹی کو ایک تولہ زیور بھی جہیز میں دینے کے قابل نہیں رہے –
