سموگ میں کمی کے سبب لاہور میں اس بدھ کو تعطیل نہیں ہوگی

لاہور میں ہائی کورٹ کے حکم پر سموگ کے خاتمے یا کمی کے لیے ہفتے کے روز وہیکلز اور تعلیمی ادارے بند رکھنے کا فیصلہ ہوا تھا مگر اسی دوران بارشوں کا سلسلہ جاری رہا جس کی وجہ سے سموگ اور آلودگی میں خاصی کمی دیکھنے میں آئی اور حکومت نے اپنے فیصلے پر نظر ثانی کی -حکومت نے اسموگ کی صورتحال کے تناظر میں اس ہفتے بدھ کو چھٹی نہ کرنےکا فیصلہ کیا ہے۔نگران وزیر اعلیٰ پنجاب محسن نقوی کی زیرصدارت انسداد اسموگ اقدامات سےمتعلق خصوصی اجلاس ہوا جس میں ایئرکوالٹی انڈیکس میں بہتری کی بنیادپرفی الحال بدھ کوچھٹی نہ کرنےپراتفاق کیا گیا۔ البتہ اس بات پر اتفاق ہوا کہ دھواں چھوڑتی گاڑیوں اور اسموگ کا سبب بننے والے بھٹوں، فیکٹریوں کے خلاف کریک ڈاؤں جاری رہے گا – نگران وزیراعلی نے آئی جی پولیس اور سیکرٹری ٹرانسپورٹ کو اس سلسلے میں ہدایات جاری کردیں ۔ ساتھ ساتھ مقرر کردہ مقدار سے زیادہ دھواں چھوڑنے اور ٹائر جلانے والی فیکٹریوں کو سیل کرنے کے احکاممات بھی جاری کیے گئے –
نگران وزیراعلیٰ پنجاب محسن نقوی نے کمشنرز اور ڈپٹی کمشنرز کو فصلوں کی باقیات جلانے والوں کےخلاف بھرپور ایکشن کا حکم دیتے ہوئے کہا کہ غیرمعیاری فیول فروخت کرنےوالوں کےخلاف فوری کریں،ضلعی انتظامیہ کو سڑکوں پر گرد بٹھانے کیلئے تسلسل سے پانی کا چھڑکاؤ کیا جائے۔انہوں نے کہا کہ تعمیراتی سرگرمیوں کیلئے ریت، بجری کو ڈھانپنا اور پانی کا چھڑکاؤ کرنا لازمی ہو گا اسموگ کا سبب بننے والے اقدامات پر قانونی کارروائی یقینی بنائی جائے۔