پاکستانیوں کی اس وقت نظریں صرف اس طوفان پر لگی ہوئی ہیں جو کسی بھی وقت پاکستان کے ساحلوں سے ٹکرانے کے لیے تیزی اور پوری قوت کے ساتھ آگے بڑھ رہا ہے – اب اس بارے میں حکومت کا موقف سامنے آگیا ہے – چیئرمین این ڈی ایم اے جنرل انعام حیدر نے آج شیری رحمان کے ساتھ پریس کانفرنس میں کہا ہے کہ سمندری طوفان ٹھٹھہ کے ساحلی علاقے کیٹی بندر سے کل ٹکرائے گا، طوفان کے مرکز میں ہواؤں کی رفتار 140 سے 150 کلومیٹر فی گھنٹہ ہے جو ساحل یا زمینی علاقے میں 160سے 170 کلومیٹر فی گھنٹہ کی طوفانی جھکڑوں کی صورت اختیار کر سکتی ہے۔
سمندری طوفان بپرجوئے کے خطرات کے پیش نظر پاک فوج ساحلی علاقوں پر متحرک
ساحلی علاقوں میں موجود لوگوں کو محفوظ مقامات پر منتقل کرنے میں مصروف#BOLNews #CycloneBiparjoy pic.twitter.com/fvid7QuKuZ— BOL Network (@BOLNETWORK) June 14, 2023
وفاقی وزیر موسمیاتی تبدیلی شیری رحمان نے پریس کانفرنس کرتے ہوئے کہا کہ کراچی میں سمندری طوفان “بپر جوائے” سے لینڈ فال نہیں ہو گا تاہم اثرات آئیں گے، طوفان سے تیز ہوائیں چلیں گی اور بارشیں ہوں گی۔ شہریوں کو مشکل سے بچانے کیلئے بعض مقامات سے نقل مکانی بھی کروائی ہے۔ کراچی میں 75 ریلیف کیمپ قائم کئے ہیں جو شہریوں کو مشکل صورتحال میں تمام ضروری سامان اور خدمات پہنچائیں گے۔
