سلمان خان کے ساتھ اب ان کےاہل خانہ بھی غیر محفوظ

بھارت میں مسلمانوں کی زندگیوں کو سخت خطرات لاحق ہیں -ان میں وہ شوبز اداکار بھی شامل ہیں جن کا شمار چوٹی کے ہیروز میں بھی ہوتا ہے ان ہی میں سے ایک سلمان خان بھی ہیں -ان کو کئی ماہ سے مختلف تنظیموں اور گمنام افراد کی جانب سے دھمکیاں دی جارہی ہیں – اب اس مین اس گینگسٹر کا نام بھی سامنے آگیا ہے جنہوں نے سلمان خان کو جان سے مارنے کی دھمکی دی ہے -گینگسٹر لارنس بشنوئی کی مسلسل دھمکیوں کے بعد بالی وڈ اسٹار سلمان خان کے اہلخانہ کی سکیورٹی میں بھی اضافہ کردیا گیا۔نجی ٹی وی کی خبر کے مطابق سلمان خان کو 2022 میں لارنس بشنوئی کی جانب سے جان سے ماردینے کی دھمکیاں موصول ہونے کے بعد سکیورٹی فراہم کی گئی تھی اور 2023 کے آخر میں ملنے والی دھمکیوں کے بعد نہ صرف ان کی سکیورٹی کے ساتھ ساتھ سلمان خان کے اہلخانہ کی سکیورٹی میں بھی اضافہ کردیا گیا ہے جس میں ان کے بہنوئی آیوش شرما کی سکیورٹی خاص طورپر شامل ہے۔
بھارتی میڈیا کا بتاناہے کہ سلمان خان کے بہنوئی آیوش شرما اپنی آنے والی ایکشن تھرلر فلم ‘رسلان’ کی تشہیر کرنے جارہے ہیں جس کیلئے رواں ماہ شیڈول میڈیا پروگراموں کے دوران آیوش کے ساتھ پولیس اہلکار ہوں گے جبکہ آیوش اضافی سکیورٹی کے لئے سلمان خان کی بلٹ پروف گاڑی میں سفر کریں گے،واضح رہے کہ اس سے قبل سلمان خان کو ذاتی طور پر ہتھیار رکھنے کی اجازت بھی دی جاچکی ہے۔