سلمان خان کی بہن سے شادی پر آیوش شرما پر بھارتیوں کی تنقید

بھارت میں مسلمان اداکاراؤں اور ان کی فیملی کی خواتین میں ہندو دھرم کے لوگوں میں شادی کا رجحان بڑھتا جارہا ہے ؛شاہ رخ خان ہوں ،عامر خان ہوں یا سلمان خان یا سیف علی خان سب نے ہندو گھرانوں کے ساتھ رشتہ جوڑ رکھا ہے جس کی ایک وجہ ان کا بھارت میں رہنا اپنی سلامتی کو یقینی بنانا اور دوسرا عوام کو یہ ظاہر کرنا ہے کہ وہپہلے بھارتی ہیں پھر مسلمان .مگر اس کے باوجود ان کی مشکلات کم ہونے میں نہین آرہیں سلمان شاہ رخ عامر اور سلمان سب کو دھمکیاں مل رہی ہیں –
بالی وڈ اداکار آیوش شرما سلمان خان کی بہن ارپیتا سے شادی کے بعد سے تنقید کی زد میں رہتے ہیں لیکن اب آیوش نے خود پر کی جانے والی تنقید پر ردعمل کا اظہار کیا ہے۔ تنقید کرنے والوں کا الزام ہے کہ انہوں نے سلمان خان کی بہن ارپیتا سے شادی مالی فائدے اور بالی وڈ میں قدم جمانے کیلئے کی۔ بھارتی میڈیا کو دیے گئے انٹرویو میں آیوش شرما نے اپنی شادی پر ملنے والے تحائف سے متعلق افواہوں سے متعلق اظہار خیال کیا ہے۔آیوش شرما کا کہنا تھا کہ جب میری شادی ہو ئی تو کچھ لوگوں کا کہنا تھا کہ مجھے تحفے میں ہیرے جڑی شیروانی ملی ہے ، کچھ نے کہا کہ مجھے جہیز میں لگژری گاڑی بینٹلے ملی وہ بینٹلے کہاں ہے؟ یہ دونوں گفٹس کہاں ہیں مجھے ابھی تک نہیں معلوم۔انہوں نے کہا کہ میڈیا پر مجھے دہلی سے منسلک بزنس مین بنایا گیا مگر میں تو بزنس مین ہوں ہی نہیں میرا تعلق سیاسی گھرانے سے ہے، میرے والد ایک سیاست دان ہیں اور میں ایک محنتی اداکار ہوں تو مجھے بزنس مین کیوں بنادیا گیا؟ میری شادی پر لوگوں نے کہا کہ میں نے پیسے، کیریئر اور بالی وڈ میں انٹری کے لئے ارپیتا سے شادی کی لیکن حقیقت یہ ہے کہ میں ایک سیاسی پس منظر رکھنے والی فیملی سے ہوں میرے پاس سب کچھ ہے اور مجھے کبھی بھی پیسے کی خواہش نہیں رہی ہے۔
انہوں نے بتایا کہ جب میری ارپیتا کے ساتھ شادی طے ہوئی تب میں نے سلمان خان سے کہا تھا کہ میں اداکاری نہیں کرنا چاہتا کیونکہ میں نے 300 آڈیشن دیے لیکن کچھ بھی نہیں ہوا، میں نے انہیں بتادیا تھا کہ میں اداکاری نہیں کر سکتا جس پر انہوں نے کہا تھا کہ میری ٹریننگ اچھی نہیں ہوئی جس کے بعد انہوں نے مجھے ٹریننگ دینے کی پیشکش کی تھی۔ یاد رہے کہ2018 میں آیوش کی پہلی فلم لو یاتری کو سلمان خان کی سپورٹ حاصل تھی۔جس کے بعد انہیں شوبز کی دنیا میں پہچان ملی اور پھر ان کی شادی سلمان خان کی بہن سے ہوئی تو ان کی شہرت اور نام کو 4 چاند لگ گئے –