سعودی عرب میں گرفتار 2 اشتہاری ملزم اسلام آباد منتقل

اسلام آباد(آن لائن)سعودی عرب میں گرفتار کئے گئے 2 اشتہاریوں کو اسلام آباد منتقل کردیا گیا ہے۔ترجمان ایف آئی اے کے مطابق اشتہاری ملزمان پنجاب پولیس کو مطلوب تھے۔ ملزمان کو سعودی عرب سے گرفتار کر کے فلائٹ نمبر SV724 کے ذریعے اسلام آباد ائرپورٹ منتقل کر دیا گیا، گرفتار ملزمان میں لقمان زریان اور محمد اختر شامل ہیں، جبکہ ملزم محمد اختر کے خلاف تھانہ کوٹ مبارک، ڈی جی خان میں مقدمہ درج تھا، ملزمان کے خلاف قتل کی دفعات کے تحت سال 2021 اور 2022 میں مقدمے درج ہوئے تھے۔ ایف آئی اے NCB انٹرپول پاکستان نے ملزمان کی گرفتاری کے لئے ریڈ نوٹس جاری کئے تھے، عد ازاں ملزمان کو اسلام آباد ائرپورٹ پر متعلقہ پولیس حکام کے حوالے کر دیا گیا۔ ملزمان کی حوالگی انٹرپول اسلام آباد کی انٹرپول ریاض کے ساتھ قریبی رابطہ کاری کی وجہ سے ممکن ہوئی۔ این سی بی انٹرپول پاکستان بیرون ملک فرار ہونے والے ملزمان کی گرفتاری کے لئے گراں قدر خدمات سرانجام دے رہا ہے، ترجمان ایف آئی اے انتھائی مطلوب ملزمان کی گرفتاری اور بروقت حوالگی کے لئے این سی بی انٹرپول پاکستان ہمہ وقت کوشاں ہے۔