سعودی عرب میں ناقص کھجوروں کی فروخت کیخلاف کارروائی کے دورن 7غیر ملکی گرفتار کرلئے گئے۔ غیر ملکی میڈیا کے مطابق سعودی عرب میں ناقص کھجوروں کی فروخت کیخلاف کریک ڈائون کے دورا ن7غیر قانونی تارکین وطن کو تجارتی فراڈ کے الزام میں گرفتار کر لیا گیا۔حکام کے مطابق تجارت اور معیار کو جانچنے والی ٹیم، وزارت برائے انسانی وسائل اور سعودی فوڈ اینڈ ڈرگ اتھارٹی کی جانب سے جنوبی ریاض کے ایک اپارٹمنٹ میں رات گئے چھاپہ مارا گیا جہاں اعلی ترین اقسام کے لیبل والے پیکٹ میں بند کی گئی ناقص کھجوریں برآمد کی گئیں،حکام نے ناقص کھجوروں کی فروخت میں ملوث سات مشتبہ افراد کو مملکت کے اینٹی کمرشل فراڈ قانون کی خلاف ورزی پر پبلک پراسیکیوشن کے حوالے کر دیا ہے۔سعودی حکام کے مطابق ضبط شدہ سامان میں 400کلو گرام غیر معیاری کھجوریں، 3ہزار خالی پلاسٹک کے پیکٹ، 5ہزار گتے کے کریٹس جو پیکیجنگ کیلئے استعمال ہوتے ہیں،ایک لاکھ کے قریب سٹیکرز جن پر کھجور کے متعدد برانڈز کے نام اور جعلی ایکسپائری تاریخ درج تھی شامل ہیں۔ سعودی قانون کے مطابق تجارتی دھوکا دہی کی سزا تین سال تک قید اور زیادہ سے زیادہ 10لاکھ ریال جرمانہ ہے۔
سعودی عرب میں ناقص کھجور یں فروخت کرتے 7 افراد گرفتار
22
