پاکستان مسلم لیگ کے قائد میاں نواز شریف کے ناہل ہونے پر شاہد خاقان عباس کو وزیراعظم منتخب کیا گیا تھا آج انھوں نے میڈیا سے گفتگو کرتے ہوئے کہا کہ نیب کوختم کرکے ملک کے نظام کو چلانا چاہیے ، جب کہ جو آدمی دوسروں کا احتساب کرے وہ سب سے پہلے خود احتساب کے عمل میں شامل ہو اس لیے سابق چیئرمین نیب جاوید اقبال بھی اپنے اثاثے عوام کے سامنے رکھیں۔شاہد خاقان عباسی کا کہنا تھا کہ عمران خان کا 26 تاریخ کو پنڈی آنے کا مقصد عمران خان آرمی چیف کی تقرری پر اثر انداز ہونا تھا مگر ان کا یہ منصوبہ ناکام ہوگیا ہے ، اگر اب وہ نیا تماشا کھڑا کریں گے تو وہ بھی دیکھ لیں گے
سابق وزیراعظم کاکہنا تھا کہ آرمی چیف کی تعیناتی کےمعاملے پرانتشارپھیلایا گیا، عمران خان کو اکثر باتیں دیر سے سمجھ آتی ہیں، قانون کے اندر رہیں گے تو ہم عمران خان کا استقبال کریں گے اور وہ قانون سے باہر رہیں گے تو رانا صاحب ان کا استقبال کریں گے۔انہوں نے عمران کان کے اس بیانیے کو بھی ہدف تنقید بنایا کہ امریکہ پاکستان کو روس سے دور رکھنا چاہتا ہے انھوں نے کہا کہ روس سے بات کرنے پر امریکا کا کوئی دباؤ نہیں، حکومت خام تیل امپورٹ نہیں کرتی بلکہ ریفائنریزکرتی ہیں۔تاہم انھوں نے یہ نہیں بتایا کہ اب موجودہ حکومت روس سے تیل یا گیس لینے کی بات کرے گی یا یہ صرف بیان بازی تک ہی محدود رہے گا –