پاکستان میں آجکل غداری کے مقدمات بننے کا موسم چل رہا ہے اس کی لپیٹ میں پہلے صحافی پھر سیاستدان او ر پھر دوسرے عام لوگ بھی آنے لگے اور اب مریم نواز کے شوہر اور سابق آرمی آفیسر کیپٹن ریٹائرڈ صفدر پر بھی ریاست کے خلاف سخت اور نازیبا بیان دینے پر مقدمہ قائم کردیا گیا ہے -ریاستی اداروں کیخلاف گفتگو کرنے کے مقدمہ میں کیپٹن (ر) صفدرکے وارنٹ گرفتاری بھی جاری کردیئے گئے ہیں۔
کیپٹن ریٹائرڈ صفدر کے خلاف کیس میں اہم پیش رفت
خبر کا لنک: https://t.co/6lVMT0rdET#captainsafdar #PMLN #publicnewslive pic.twitter.com/4oM9ZoVa8b— Public News (@PublicNews_Com) September 16, 2022
ضلع کچہری کے جوڈیشل مجسٹریٹ بلال منیر وڑائچ نے ملزم کے قابل ضمانت وارنٹ گرفتاری جاری کئے ہیں۔ عدالت نے ملزم کیپٹن(ر) صفدر کے 21 اکتوبر کیلئے وارنٹ گرفتاری جاری کئے ہیں۔ ملزم کیخلاف اسلام پورہ پولیس نے 2019 میں مقدمہ درج کر کے چالان پیش کر رکھا ہے۔ اس حوالے سے پراسکیوشن کا کہنا ہے کہ کیپٹن ریٹائرڈ صفدر نے سیشن کورٹ میں ریاستی اداروں کے خلاف میڈیا ٹاک کی جس سے ملک میں نقص امن کا خطرہ پیدا ہوا۔
