نیوزی لینڈ کا دورہ منسوخ ہونے کی وجہ نیوزی لینڈ کے اوپنت مارٹن گپٹل کو بھارت سے بھیجی گئی دھکی بنی جس میں ان پر حملے کی اطلاع دی گئی وزیر اطلاعات نے کہا کہ پاکستان کو ایک ہائبرڈ اور پانچویں نسل کی جنگ کا سامنا ہے۔وفاقی وزیر اطلاعات فواد چوہدری نے نیوزی لینڈ کی پاکستان میں حالیہ ون ڈے سیریز سے دستبرداری پر ایک اہم پریس کانفرنس کرتے ہوئے انکشاف کیا کہ بھارت سے بلیک کیپس کو دھمکی آمیز ای میل بھیجی گئی۔
وزیر داخلہ شیخ رشید کے ہمراہ ، وزیر اطلاعات ۔فواد چوہدری نے ایک جعلی سوشل میڈیا پوسٹ کے بارے میں بات کی جسے ٹی ٹی پی کے سابق کمانڈر احسان اللہ احسان کے نام سے اگست میں اس پوسٹ نے نیوزی لینڈ کرکٹ ٹیم کو دورہ پاکستان کے خلاف خبردار کیا تھا۔اس پوسٹ میں کہا گیا ہے کہ نیوزی لینڈ کرکٹ ٹیم کو پاکستان نہیں جانا چاہیے کیونکہ داعش اس پر حملہ کرے گی۔
چودھری نے کہا کہ سنڈے گارڈین میں ایک مضمون دو دن بعد 21 اگست کو پیپر کے بیورو چیف ابھینندن مشرا نے شائع کیا ، جس نے یہی لکھا: کہ نیوزی لینڈ کرکٹ ٹیم پر پاکستان میں حملہ ہو سکتا ہے۔انہوں نے کہا کہ سنڈے گارڈین میں شائع ہونے والا مضمون احسان اللہ احسان کی پوسٹ کے گرد تھا۔ انہوں نے مزید کہا ، “بھارتی صحافی ابھی نندن مشرا کے سابق افغان نائب صدر امر اللہ صالح کے ساتھ قریبی تعلقات ہیں۔
وزیر اطلاعات نے انکشاف کیا کہ پانچ دن بعد 24 اگست کو نیوزی لینڈ کے بلے باز مارٹن گپٹل کی اہلیہ کو تحریک لبیک کا نام استعمال کرتے ہوئے ایک آئی ڈی سے دھمکی آمیز ای میل بھیجی گئی۔ ای میل میں فواد چوہدری نے انکشاف کیا کہ نیوزی لینڈ کے بلے باز کو جان سے مارنے کی دھمکی دی گئی تھی۔انہوں نے کہا کہ ای میل میں کہا گیا ہے کہ گپٹل پاکستان کے دورے کے دوران مارا جائے گا۔ انہوں نے انکشاف کیا کہ “ہم نے آئی ڈی کی جانچ کی تو پتہ چلا کہ یہ 24 اگست 2021 کو صبح 01:05 بجے بنائی گئی تھی جبکہ ای میل 25 اگست کو صبح 11:59 بجے بھیجی گئی تھی۔”
اس ای میل نے ایک بات واضح کردی ہے کہ اس سازش کے پیچھے انڈیا ہے پاکستانی حکومت یہ معلوم کرنے کی کوشش میں ہے کہ یہ ای میل کس نے بھیجی اور وہ شخص کون ہے؟ امید ہے ہماری انٹیلیجینس جلد ہی اس بل میں چھپے چوہے کو کلبھو شن کی طرح ڈھونڈ نکالے گی اور دشمن کا منہ پھر کالا ہوگا
