پاکستان کے وہ نوجوان جو اعلی تعلیم یافتہ ہونے کے باوجود بے روزگار ہیں یا جو سرکاری نوکری میں زیادہ دلچسپی رکھتے ہیں، ان کے لیے اچھی خبر آئی ہے کہ حکومت کے ایک ادارے نیشنل ہائی وے اینڈ موٹروے پولیس (این ایچ اینڈ ایم پی) نے سینکڑوں ملازمتوں کے لیے خالی آسامیوں پر بھرتیوں کا اعلان کیا ہے اس کے علاوہ پولیس اور ایل ڈے میں بھرتی کے مواقع بھی جلد ملنے والے ہیں جنکا اعلان بزریعہ اخباری اشتہار کیا جائے گا -، امیدواران آن لائن درخواستیں جمع کراسکتے ہیں -تفصیلات کے مطابق وفاقی حکومت نے نیشنل ہائی وے اینڈ موٹرویز پولیس میں گریڈ 15 تک کی 2ہزار331خالی اسامیوں پر بھرتی کی منظوری دے دی ہے۔میڈیا رپورٹ کے مطابق وفاقی حکومت نے گریڈ 7 کے جونیئر پٹرول افسر کی سب سے زیادہ 2100 خالی اسامیوں، گریڈ 15 کے اسسٹنٹ کی چار اسامیوں، گریڈ 14 کے اسٹینوٹائپسٹ کی 35، گریڈ 13 کے فوٹوگرافر کی 46، گریڈ 13 کے یوڈی سی کی 31، گریڈ 11 کے ایل ڈی سی کی 77 اور گریڈ 7 کے پیرا میڈیکل سٹاف کی 37 خالی اسامیوں پر بھرتی کی منظوری دی ہے۔
وزارت مواصلات مذکورہ اسامیوں پر آئندہ ہفتے سے حکومت سے اجازت ملنے کے بعد بھرتی کے عمل کا باقاعدہ آغاز کرے گی، سندھ اور بلوچستان کے ڈومیسائل رکھنے والے امیدواروں والوں کو متعلقہ صوبوں میں ہی تعینات کیا جائے گا۔
اس کے علاوہ اگر آپ پنجاب کے شہری ہیں تو پنجاب پولیس میں بھی بھرتیوں کا اشتہار شائع کروا دیا گیا ہے، صوبہ پنجاب کے تمام اضلاع میں کانسٹیبلوں ، لیڈی کانسٹیبلوں، ڈرائیورز اور ٹریفک اسسٹنٹ کی گریڈ 7 کی خالی اسامیوں پر بھرتی کیلئے درخواستیں طلب کی گئی ہیں۔
امیدواران سب سے پہلے درخواست فارم حاصل کرنے کے لیے این ایچ ایم پی پلیٹ فارم تک رسائی حاصل کرنے کے لیے اس لنک https://nhmp.gov.pk/careers پر جائیں۔
اس بات کو یقینی بنائیں کہ آپ تمام مطلوبہ معلومات کو درست طریقے سے پُر اور تمام مطلوبہ دستاویزات منسلک کررہے ہیں۔درخواست جمع کرانے کے بعد موٹروے پولیس کی طرف سے تصدیقی کال یا ٹیکسٹ میسج موصول کرنے کے لیے تیار رہیں۔اگر آپ تصدیق حاصل کرنے والے خوش قسمت امیدواروں میں شامل ہیں تو ابھی سے دل لگا کر تندہی کے ساتھ انٹرویو کے لیے خود کو جسمانی اور ذہنی طور پر تیار کرنا شروع کر دیں۔
انٹرویو کے لیے اپنے ریکارڈ کی تصدیق شدہ فوٹو کاپیوں کے ساتھ ساتھ اپنے جسمانی اور طبی ریکارڈ کے ساتھ تمام اصل دستاویزات ساتھ لانا یقینی بنائیں۔سوشل پاکستان بھی سوشل میڈیا پوسٹس اور ڈیلی سوشل پاکستان اخبار کے ذریعے آپ کو آگاہ کرتا رہے گا –