بھارت کی سابق ٹینس سٹار ثانیہ مرزا اور کرکٹر شعیب ملک کے درمیان جب سے علیحدگی ہوئی ہے وہ ایک زیادہ سٹرانگ خاتون کے روپ میں نظر آرہی ہیں اب وہ دوسری خواتین کو بھی حالات کا مقابلہ خود سے کرنے کا مشورہ دے رہی ہیں -ان کا حال ہی میں خواتین سے متعلق دیا جانے والا بیان سوشل میڈیا کی زینت بنا ہوا ہے جس پر خواتین بہت توجہ دے رہی ہیں ۔
ثانیہ مرزا کو ان کی صلاحیتوں اور کارناموں کی وجہ سے ان کے پرستار ایک رول ماڈل سمجھتے ہیں اور وہ خواتین کے حقوق کے لئے بھی آواز بلند کرتی رہتی ہیں۔ ان کا ماننا ہے کہ خواتین صرف خوبصورتی یا باورچی خانے تک محدود نہیں ہیں۔ ثانیہ مرزا نے اپنے خیالات کا اظہار کرتے ہوئے کہا کہ خواتین اس سے کہیں زیادہ صلاحیت کی مالک ہیں جو معاشرہ انہیں بنانا چاہتا ہے۔
ثانیہ مرزا نے انسٹا سٹوری میں اپنے ایک انٹرویو کا سکرین شاٹ شیئر کیا جس میں ان کا کہنا تھا کہ خواتین سے صرف یہ امید نہیں کرنی چاہئے کہ وہ خوبصورت نظر آئیں اور کھانا پکائیں بلکہ وہ اس سے کہیں زیادہ کرسکتی ہیں۔واضح رہے کہ سابقہ بھارتی ٹینس سٹار ریٹائرمنٹ کے بعد ان دنوں اپنے 6 سالہ بیٹے اذہان مرزا ملک کی پرورش کے ساتھ مختلف کمرشلز اور بھارتی سپورٹس شوز میں دکھائی دے رہی ہیں۔انھوں نے اپنے گھر کے دروازے پر اپنا اور اپنے بیٹے اذہان کا نام لکھوادیا ہے –