خاور مانیکا نے جب سے شاہ زیب خانزادہ کے پروگرام میں انٹرویو دیا ہے ان دونوں کے خلاف سوشل میڈیا پر بڑی لعن طعن جاری ہے -یہاں تک کہ اب حکومت کے حمائتی صحافی بھی اسے غلطی قرار دے رہے ہیں جس کے بعد مانیکا کا ایک اور انٹرویو کرنے کی خبریں بھی آرہی ہیں -اب اس پر پاکستان کے سب سے بڑے قانون دان نے بھی لب کشائی کردی اور خاور مانیکا کے انٹرویو کو پلانٹڈ قرار دے دیا -ممتاز قانون دان عتزاز احسن نے کہا ہے کہ عمران خان کی اہلیہ بشریٰ بی بی کے سابق شوہر خاورمانیکا یہ باتیں 6 سال پہلے کرتے تو اس کی کوئی اہمیت ہوتی۔
لاہور ہائیکورٹ میں گفتگو کرتے ہوئے اعتزاز احسن نے کہا کہ 9 مئی کے کچھ ملزمان کہتے ہیں انہیں فوجی عدالتوں پر اعتماد ہے، یہ بیانات اغوا برائے تاوان کا شاخسانہ ہیں۔انہوں نے کہا کہ جیل میں ہونے والے ٹرائل ماضی کا قصہ ہیں، ایک آدمی کو سکیورٹی نہیں دے سکتے تو24 کروڑ عوام کوکیسےدیں گے؟ان کا کہنا تھاکہ عمران خان کا ٹرائل، ٹرائل کورٹ میں ہونا چاہیے، جیل میں ٹرائل بالکل نہیں ہوسکتااعتزاز احسن کا کہنا تھاکہ خاورمانیکا یہ باتیں 6 سال پہلے کرتے تو اس کی کوئی اہمیت ہوتی، خاور مانیکا کی ٹرین اسی محلے سے ہو کر آنے کے بعد رکی ہے۔
خیال رہے کہ دو روز قبل سابق وزیراعظم عمران خان کی اہلیہ بشریٰ بی بی کے سابق شوہر خاور فرید مانیکا نے اپنے انٹرویو میں تہلکہ خیز انکشافات کیے ہیں۔خاور مانیکا نے مزید بتایاکہ عمران خان میری مرضی کے بغیر میرے گھر آتا تھا، پنکی کی اس سے ملاقاتوں پر میں ناراض تھا، ایک بار عمران میرے گھر آیا تو میں نے نوکر کی مدد سے اسے گھر سے نکلوا دیا، عمران خان کے اسلام آباد میں دھرنوں کے دوران بشریٰ کی بہن مریم وٹو نے بشریٰ کی ملاقات عمران خان سے کرائی، ہماری شادی 28 سال چلی، ہماری بہت خوشگوار زندگی تھی لیکن عمران نے پیری مریدی کی آڑ میں ہمارا ہنستا بستا گھر برباد کر دیا۔اس سے کئی سال قبل کپتان سے شادی کے بعد بھی خاور مانیکا نے ایک ویڈیو پیغام جاری کیا تھا جس میں انھوں نے بشریٰ بی بی کو اس دور کی سب سے نیک ،پرہیز گار،پاکیزہ اور باعمل خاتون قراردیا تھا –