قومی کرکٹ ٹیم کے کپتان بابر اعظم کی مداح نے پاکستان اور انگلینڈ کے درمیان آج ہونے والے ٹی ٹوئنٹی میچ میں سینچری مارنے پر کھلاڑی کے لیے اپنے والد کی مرسیڈیز دینے کا اعلان کر دیا۔ انسٹاگرام پر ایک پُر جوش جذباتی مداح کی ویڈیو خوب وائرل ہو رہی ہے۔ وہ اس آس میں ہے کہ بابر اعظم کی شاندار پرفارمنس کے سبب پاکستانی ٹیم ٹی ٹونٹی ورلڈ چیمپین انگلینڈ کو مات دے گی -مداح کے مطابق پاکستان اور انگلینڈ کے بیچ ہونے والے پہلے ٹی 20 میچ میں پاکستان کی جیت کے ارمان بارش میں بہہ گئے، جس کے بعد ساری امیدیں آج برمنگھم میں ہونے والے میچ سے جڑ گئی ہیں۔وائرل ویڈیو میں جذباتی مداح نے صرف ایک جیت پر کپتان بابر اعظم کواپنے والد بزرگوار کی مہنگی ترین مرسیڈیز کی چابی دینے کا اعلان بھی کر دیا۔
مداح کا کہنا ہے کہ میں اپنے پپا کو بتا کر آگئی ہوں کہ اگر پاکستانی ٹیم آج کا میچ جیت گئی تو ان کی مرسیڈیز بابر اعظم کو دے دوں گی تاہم ٹی ٹونٹی میں کوئی بھی ٹیم کسی بھی نلک کو شکست دے سکتی ہے ، ۔خیال رہے کہ پاکستان اور انگلینڈ کے درمیان 4 میچز کی سیریز کا پہلا ٹی 20 انٹرنیشنل میچ بارش کے باعث منسوخ کردیا گیا تھا۔ تاہم آج اس سیریز کا دوسرا میچ برمنگھم میں کھیلا جائے گا، جبکہ تیسرا میچ 28 مئی کو کارڈف میں اور آخری مقابلہ 30 مئی کو اوول میں کھیلا جائے گا۔