حیدر آباد میں جرم کی ایک لرزہ خیز واردات ہوئی جس میں ایک ڈرائیور نے ایک ڈاکٹر کو حملہ کرکے جان سے مار دیا اور اس کے باورچی کو زخمی کردیا جو پولیس کو بے ہوشی کی حالت میں کچن میں پولیس کو ملا –
اطلاعات کے مطابق ڈرائیور نے تنازع پر معروف ڈاکٹر دھرم دیوارٹی کو بہیمانہ طریقے سے قتل کردیا۔ واردات کے بعد ڈرائیور مقتول ڈاکٹر کی گاڑی لے کر فرار ہوگیا جس کی گرفتاری کے لیے گاؤں میں چھاپہ مارا گیا مگر وہ نہیں ملا، قتل کا سبب سامنے نہ آسکا، آخری اطلاعات تک ملزم گرفتار نہیں کیا جاسکا پولیس اس کی گرفتاری کے لیے چھاپے ماررہی ہے -۔
حیدر آباد : معروف ڈاکٹر دھرم دیوارٹھی کو ڈرائیور نے قتل کر دیا #Crime #Sindh #Pakistan #DunyaNews https://t.co/IoZVv8lQVA pic.twitter.com/xjPEjCLtM6
— Dunya News (@DunyaNews) March 7, 2023
جلدی امراض کے معروف ڈاکٹر دھرم دیوارٹی کی لاش گھر سے برآمد ہوئی جبکہ اُن کا باورچی کچن میں بے ہوش پڑا ہوا تھا جسے ہسپتال منتقل کردیا گیا ۔ مقتول کی فیملی امریکا اور وہ خود سٹیزن کالونی میں مقیم تھے۔صوبائی وزیر برائے اقلیتی امور گیان چند نے ڈاکٹر کے قتل کا نوٹس لیتے ہوئے ایس ایس پی حیدرآباد امجد شیخ سے رپورٹ طلب کی۔ جس پر انہوں نے بتایا کہ ڈاکٹر کی گھر آتے ہی ڈرائیور سے بحث ہوئی جس پر اُس نے کچھ سے چھری اٹھا کر گلا کاٹ دیا۔دوسری جانب صوبائی وزیر نے واقعے کی شدید الفاظ میں مذمت کرتے ہوئے اسے افسوسناک قرار دیا -اور کہا کہ ڈاکٹر کے قاتل کو جلد گرفتار کرلیا جائے گا –
