وزیر اعظم شہباز شریف کا کہنا ہے کہ مخلوط حکومت نے ملک کو دیوالیہ پن کے دہانے سے نکال دیا ہے اور اب وہ پرعزم کوششوں سے خوشحالی لانے کے لیے کوشاں ہیں۔
اسلام آباد میں حکمران اتحاد کے ارکان پارلیمنٹ کے لیے ان کی طرف سے دیے گئے استقبالیہ سے خطاب کرتے ہوئے، انھوں نے کہا کہ مخلوط حکومت اپنی چودہ ماہ کی مدت میں ملک کی تقدیر بدل دے گی۔
وزیراعظم نے کہا کہ پچھلی حکومت نے پاکستان کو دیوالیہ ہونے کے دہانے پر دھکیل دیا۔
انہوں نے کہا کہ بین الاقوامی مالیاتی فنڈ کے ساتھ معاہدہ طے ہونے والا ہے لیکن اس میں بہت سخت شرائط ہیں۔
وزیراعظم نے کہا کہ موجودہ حکومت نے متمول طبقے کو براہ راست ٹیکس کے دائرے میں لایا ہے اور اس اقدام سے 200 ارب روپے قومی کٹی میں آئیں گے۔
انہوں نے کہا کہ مہنگائی کو دیکھتے ہوئے حکومت نے بے نظیر انکم سپورٹ پروگرام کے ذریعے غریب عوام کو ریلیف فراہم کیا۔
انہوں نے کہا کہ حکومت نے انڈونیشیا سے اجناس کی بروقت درآمد کرکے خوردنی تیل کے بحران کو بھی ٹالا۔ انہوں نے کہا کہ حکومت خوردنی تیل کی مقامی پیداوار کو بڑھانے کے لیے بھی حکمت عملی بنا رہی ہے۔
وزیراعظم نے کہا کہ تیل اور گیس کی قیمتوں میں اضافے کے باوجود حکومت ملک کی توانائی کی ضروریات کو پورا کرنے کے لیے صورتحال سے نمٹنے کے لیے کوشاں ہے۔
