حکومت نے7 دن میں 2000 بجلی چوروں سے 6 ارب روپے وصول کرلیے

پاکستان میں 75 سالوں سے بجلی کا بحران پوری قوم کے لیے ایک عزاب بنا ہوا تھا -اس کی بڑی وجہ بجلی کی چوری تھی اور لوگ مختلف ہتھکنڈے استعمال کرکے نہ صرف بجلی چوری کرتے تھے بلکہ اس میں بجلی ضائع بھی ہوتی تھی -مگر اب ان تمام افراد کے خلاف سخت آپریشن جاری ہے اور ان کو گرفتار کرکے لاکھوں یونٹ روزآنہ بجلی کی بچت کی جارہی ہے جس کی وجہ سے ملک بھر میں لوڈ شیڈنگ میں بھی خاطر خواہ کمی واقع ہوئی ہے –
بجلی چوروں کیخلاف آپریشن میں 7 روز میں کتنے ارب روپے وصول کرلیے گئے؟ اس کے بارے میں سیکرٹری پاور راشد لنگڑیال نے بتا دیا۔سوشل میڈیا پلیٹ فارم “ایکس “پر اعداد و شمار پیش کرتے ہوئے سیکرٹری توانائی راشد لنگڑیال نے کہا کہ بجلی چوری کلچر ختم کیے بغیرآرام سے نہیں بیٹھیں گے کیونکہ جرم کرنے والوں کی سزا بل اداکرنے والوں کو دینے کی اجازت نہیں دے سکتے۔ ان کا دعویٰ ہے کہ 7 دن میں بجلی چوروں سے 6 ارب روپے وصول کیے گئے ہیں جب کہ 1500بجلی چوروں کو گرفتار کیا گیا ہے
سیکرٹری توانائی نے بتایا کہ لیسکو نے بجلی چوروں سے1 ارب 45 کروڑ 80 لاکھ روپے سے زائد ریکور کرکے 4 ہزار 928 ایف آئی آرز کا اندراج کیا ہےجب کہ لیسکو ریجن سے اب تک 406 بجلی چوروں کو گرفتار کیا گیا ہے، اس کے علاوہ حیسکو نے بجلی چوروں سے1 ارب 21 کروڑ 40 لاکھ روپے ریکور کیے، اس دوران 310 ایف آئی آرز درج کرکے 31 افراد کو گرفتار کیا گیا ہے۔ میپکو میں 80 کروڑ 50 لاکھ روپے کی ریکوری کی گئی، میپکو میں 3ہزار 497 ایف آئی آرز اور 249 گرفتاریاں ہوئیں جب کہ سیپکو میں اب تک 70 کروڑ روپے سے زائد کی ریکوری کی گئی ہے اور 325 ایف آئی آرز کا اندراج کرکے 234 گرفتاریاں کی گئی ہیں۔