ائی ایم ایف کی عائید کردہ شرائط کی بھاری قیمت غریب عوام ادا کرے گی -حکومت نے آئی ایم ایف کی سخت شرائط کے سامنے ہتھیار ڈال دیے ہیں -آئی ایم ایف کے تمام سبسڈیز ختم کرنے کی تجویز بھی دی جس کے بعد حکومت نے غربت کی چکی میں پستی عوام کے لیے مزید ٹیکس لگانے کا پروگرام بنا لیا ہے -اس لیے اب وفاقی کابینہ نے بجلی صارفین سے 76 ارب روپے اضافی وصول کرنے کی منظوری دے دی۔نجی ٹی وی کے مطابق کے الیکٹرک سمیت بجلی صارفین سے اضافی وصولیاں آئندہ 4 ماہ میں کی جائیں گی۔
وفاقی کابینہ سے ڈویژن کی سمری سرکولیشن کے ذریعے منظوری لے لی گئی۔بجلی اور پٹرول کے ساتھ ساتھ گیس کی قیمتیں بڑھنے کی تلوار پہلے ہی عوام کے سر پر لٹک رہی ہے، وفاقی وزیر خزانہ اسحاق ڈار نے گیس کی قیمتیں بڑھانے کیلئے اقتصادی رابطہ کمیٹی کا اجلاس آج شام طلب کر رکھا ہے۔