حکومت سوچے بھی نہ کہ ان ایکشن فلموں سے لوگ ڈر جائیں گے ؛اعتزاز احسن

سینئر قانون دان بیرسٹر اعتزاز احسن رات گئے پرویز الہی کے گھر پر پولیس حملے پر برس پڑے ان کاکہناہے کہ حکومت کی اس طرح کی شرمناک حرکات بتارہی ہیں کہ پی ڈی ایم مذاکرات سے نکلنا چاہتی ہے ،یہ کوشش کررہے ہیں عدالت 90 دن کے معاملے پر مجبور ہو جائے۔لاہور میں میڈیا سے گفتگو کرتے ہوئے اعتزاز احسن نے کہاکہ پرویز الٰہی کے گھر کا دروازہ بکتر بند گاڑی سے توڑنے کی کوشش کی گئی،کیوں نئی قسم کی روایتیں ڈالی جارہی ہیں،اس طرح کی کارروائیوں سے کوئی مرعوب نہیں ہوگا، پولیس کے اس اقدام سے وفاق اور نگران صوبائی حکومت کو نقصان ہو گا،یہ مت سوچیں کہ اس فلم سے لوگ ڈر جائیں گے۔

یہ مت سوچیں کے اس فلم سے لوگ ڈر جائیں گے، اب اس حکومت
پر توہین عدالت لگے گی،اعتزاز احسن شہباز حکومت پر برس پڑے#aitzazahsan #PervezElahi #imranKhanPTI pic.twitter.com/9zJBGwglSe

— PNN News (@pnnnewspk) April 29, 2023

سینئر قانون دان کاکہناتھا کہ حکومت مذاکرات سے نکلنا چاہتی ہے ،یہ کوشش کررہے ہیں عدالت 90 دن کے معاملے پر مجبور ہو جائے،ان کاکہناتھا کہ مذاکرات کے معاملے کو تحریک انصاف سنجیدگی سے دیکھے گی ،سپریم کورٹ نے 14 مئی کو احکامات کئے تھے، عمل کرنا ضروری ہے ۔