چند روز قبل سپریم کورٹ کے 3 رکنی بینچ نے الیکشن کمیشن اور پشاور ہائی کورٹ کا فیصلہ معطل کردیا تھا جس کے بعد حکومتی اتحاد خواتین اور اقلیتوں کی مخصوص نشستوں سے محروم ہوگیا تھا -آج سپیکر پنجاب اسمبلی نے سپریم کورٹ کے فیصلے کی روشنی میں حکومتی اتحاد کو ملنے والی خواتین اور اقلیتوں کی مخصوص ںشستیں معطل کر دیں ۔سپیکر پنجاب اسمبلی ملک احمد خان نے اپوزیشن رکن رانا آفتاب کا مخصوص نشستوں پر پوائنٹ آف آرڈر کو درست قرار دیا،اپوزیشن رکن نے سپریم کورٹ کے فیصلے کی روشنی میں سنی اتحاد کونسل کو ملنے والی خواتین اور اقلیتوں کی مخصوص نشستیں مسلم لیگ نون اور دیگر جماعتوں کو ملنے کے خلاف سپریم کورٹ کے فیصلے کا حوالہ دیا تھا-
حکومتی اتحاد کے معطل ہونےوالے ارکان کی تعداد 27ہے جن میں 24 خواتین کی مخصوص نشستیں جبکہ 3 اقلیتی نشستیں ہیں،معطل ہونے والوں میں اقلیتی ارکان اسمبلی طارق مسیح گل ،وسیم انجم ، بسرو جی شامل ہیں۔معطل کی گئی خواتین ارکان میں مقصوداں بی بی روبینہ نذیر، سلمیٰ زاہد ،کنول نعمان ،زیبا غفور، سعیدہ ثمرین تاج، شہر بانو، آمنہ پروین، سیدہ سمیرا احمد ،عظمیٰ بٹ،افشاں حسین، شگفتہ فیصل، نسرین ریاض، ساجدہ نوید ،فرزانہ عباس، ماریہ طلال، تاشین فواد، عابدہ بشیر، سعدیہ مظفر، فائزہ مومنہ، عامرہ خان، سمعیہ عطا، راحت افزا، رخسانہ شفیق شامل ہیں۔