اسلام آباد: رکن قومی اسمبلی حنا ربانی کھر نے منگل کو وزیراعظم شہباز شریف کی کابینہ میں وزیر مملکت برائے خارجہ امور کا چارج سنبھال لیا۔
حنا کھر اپنی نئی ذمہ داریاں سنبھالنے کے لیے وزارت خارجہ پہنچیں تو سیکرٹری خارجہ سہیل محمود اور اعلیٰ حکام نے ان کا استقبال کیا۔
پاکستان پیپلز پارٹی سے تعلق رکھنے والی حنا ربانی کھر اس سے قبل فروری 2011 سے مارچ 2013 تک وزیر خارجہ رہ چکی ہیں۔ وہ سب سے کم عمر اور ملک میں اس عہدے پر فائز ہونے والی پہلی خاتون ہیں۔
اس سے قبل وہ وزیر مملکت برائے خزانہ اور اقتصادی امور بھی رہ چکی ہیں۔
