حضرت خالد بن ولید نے بسم اللہ پڑھ کر زہر کیوں کھالیا تھا؟ایمان افروز واقعہ

حضرت خالد بن ولید رضی اللہ تعالٰی عنہ کو جہاد کرنے اور فتوحات کی وجہ سے سیف اللہ کا خطاب دیا گیا ،مگر ایک جنگ ایسی بھی ہوئی جس میں بنا مقابلے اور جنگ کے عیسائیوں نے ایک قلعہ آپ کے جزبہ ایمانی سے متاثر ہوکر آپ کے حوالے کردیا تھا -ہوا یوں کہ حضرت خالد بن ولید رضی اللہ تعالٰی عنہ نے عیسائیوں کے ایک قلعہ کا محاصرہ کیا تو ان کا سب سے بوڑھا پادری آپ کے پاس آیا اس کے ہاتھ میں انتہائی تیز زھر کی ایک پڑیا تھی اس نے حضرت خالد بن ولید سے عرض کیا کہ آپ ہمارے قلعہ کا محاصرہ اٹھا لیں اگر تم نے دوسرے قلعے فتح کر لئے تو اس قلعہ کا قبضہ ہم بغیر لڑائی کے تم کو دے دیں گے۔
حضرت خالد بن ولیدرضی اللہ تعالٰی عنہ نے فرمایا نہیں ہم پہلے اس قلعہ کو فتح کریں گے پھر کسی دوسرے قلعے کا رخ کریں گے یہ سن کر بوڑھا پادری بولا اگر تم اس قلعے کا محاصرہ نہیں اٹھاؤ گے تو میں یہ زہر کھا کر اپنی زندگی کا خاتمہ کر لوں گا اور میرا خون تمہاری گردن پر ہوگا اور روز حشر میں تمہارا گریبان پکڑون گا اور تمہارے اللہ سے عدل مانگوں گا حضرت خالد رضی اللہ تعالٰی عنہ فرمانے لگے یہ ناممکن ہے کہ موت اور زندگی کا ملک اللہ تعالیٰ ہے یہ ہو ہی نہیں سکتا کہ تیری موت نہ آئی ہو اور تو مر جائے
بوڑھا پادری بولا اگر تمہارا یہ یقین ہے کہ رب کی مرضی کے بنا موت نہیں آسکتی تو لو پھر یہ زہر تم کھا لو حضرت خالد بن ولید رضی اللہ تعالٰی عنہ نے وہ زھر کی پڑیا پکڑی اور یہ دعا بسم الله وبالله رب الأرض ورب السماء الذي لا يضر مع اسمه داء پڑھ کر وہ زھر پھانک لیا اور اوپر سے پانی پی لیا۔ ⁦♥️
بوڑھے پادری کو مکمل یقین تھا کہ یہ چند لمحوں میں موت کی وادی میں پہنچ جائیں گے مگر وہ یہ دیکھ کر حیران رہ گیا کہ چند منٹ آپ کے بدن پر پسینہ آیا اس کے علاوہ کچھ بھی نہ ہوا، حضرت خالد بن ولید رضی اللہ تعالٰی عنہ نے پادری سے مخاطب ہو کر فرمایا دیکھا اگر موت نہ آئی ہو تو زہر کچھ نہیں بگاڑتا پادری کوئی جواب دئیے بغیر اٹھ کر بھاگ گیا اور قلعہ میں جا کر کہنے لگا۔⁦
اے لوگو ! میں ایسی قوم سے مل کر آیا ہوں کہ خدا تعالٰی کی قسم اسے مرنا تو آتا ہی نہیں وہ صرف مارنا ہی جانتے ہیں جتنا زِہر ان کے ایک آدمی نے کھا لیا اگر اتنا پانی میں ملا کر ہم تمام اہلِ قلعہ کھاتے تو یقیناً مر جاتے مگر اس آدمی کا مرنا تو درکنار وہ بیہوش بھی نہیں ہوا۔ میری مانو تو قلعہ اس کے حوالے کر دو اور ان سے لڑائی نہ کرو چنانچہ وہ قلعہ بغیر لڑائی کے صرف حضرت خالد بن ولید رضی اللہ تعالٰی عنہ کی قوت ایمانی سے فتح ہو گیا۔