پاکستانیوں کے لیے ایک بہت حیران کن خبر ہے کہ پاکستان کے اہم اور حساس اداروں میں کام کرنے والے کئی سو افراد بیرون ملک فرار ہوگئے ہیں یا وہ دوسرے ممالک میں نوکریاں کرنے لگے ہیں چیئرمین نادرا نے انکشاف کیا ہے کہ حساس معلومات رکھنے والے 500 سے زائد لوگ پاکستان میں کام کرنے کے بعد پاکستانی شہریت چھوڑ گئے۔
چیئرمین نادرا طارق ملک نے پبلک اکاؤنٹس کمیٹی کے سامنے اس بات کا برملا انکشاف کیا ہ کہ پاکستان کی حساس معلومات رکھنے 500سے زائد افراد پاکستانی شہریت چھوڑ کر بیرون ملک جا چکے ہیں، جس کے بعد پی اے سی نمتحرک ہوئی اور پاکستانی شہریت چھوڑنے والے تمام افراد کی فہرست طلب کر لی ہے ۔دوران اجلاس چیئرمین پی اے سی نور عالم خان نے چئیرمین نادرا سے پوچھ کہ نادرا میں کرپشن پر کتنے لوگ نکالے گئے، جس پر چیئرمین نادرا نے جواب دیا کہ نادرا نے 43 لوگوں کو کرپشن کے الزامات کی بنیاد پر نکالا جبکہ 2600 لوگوں پر تحقیقات تاحال جاری ہیں-نور عالم خان نے کہا کہ کرپشن کی بنیاد پر نکالے گئے لوگوں کو بھی کیا عمران خان کے دور حکومت میں یا اس سے پہلے دوبارہ بھی بھرتی کیا گیا، جس پر کمیٹی نے نکالے جانے کے بعد دوبارہ بھرتی ہونے والوں کی تفصیلات بھی طلب کر لیں۔