حارث رووف کے دورہ آسٹریلیا میں ٹیسٹ کھیلنے سے انکار پر وہاب ریاض پریشان

پاکستانی ٹیم اس وقت فٹ نس کے شدید مسائل میں گھری ہوئی ہے اس کے فاسٹ باؤلر اپنے ان فٹنس مسائل کی وجہ سے بہت پریشان ہیں اور کیونکہ ٹیسٹ میچز میں فاسٹ باؤلرز کو �لمبے لمبے سپیل کروانا پڑتے ہیں جس میں انجری کا امکان بڑھ جاتا ہے اسی خدشے کو مدنظر رکھ کر حارث رووف نے آسٹریلیا کے خلاف ٹیسٹ میچز نہ کھیلنے کا فیصلہ کیا -پاکستان کرکٹ بورڈ کے چیف سلیکٹر وہاب ریاض نے دورہ آسٹریلیا کے لیے قومی کرکٹ ٹیم کے سکواڈ کااعلان کیا تو پریس کانفرنس کے دوران انہوں نے حارث روف سے ہونے والی بات چیت کی تمام تر تفصیلات سامنے رکھ دیں اورساتھ ہی حارث روف کےفیصلے کوپاکستانی کرکٹ کے لیےنقصان دہ قرار دے دیا ۔ وہاب ریاض نے بتا یا کہ حارث روؤف نے دو روز پہلے کی ہونے والی ملاقات میں ٹیسٹ کھیلنے پر رضامندی ظاہر کردی تھی تاہم انہوں نے گزشتہ رات اپنا فیصلہ تبدیل کر لیا اور بورڈ کو بتا یا کہ آسٹریلیا کی ٹیسٹ سیریز کے لیے دستیاب نہیں ہونگے ۔حارث روف اپنی فٹنس اور ورک لوڈ کو لے کر پریشان تھے ۔ وہاب ریاض نے بتا یا کہ ہم نے حارث کویقین دلا یا کہ انہیں تمام سہولیات دی جائیں گی اور اگر ایسا کچھ ہوا تو بورڈ ذمہ داری قبول کرے گا۔ہمارے فزیو نےبتا یا کہ حارث کو انجری نہیں ہے بس تھکاوٹ ہے لیکن ہم اس پر قابو پا لیں گے ۔چیف سلیکٹر وہاب ریاض کا کہنا تھا لیکن اس سب کے باوجودحارث روف نے دورہ آسٹریلیا سے دستبرداری ظاہر کی جس سے میرے خیال میں پاکستان کرکٹ کو نقصان ہو گا۔